maharashtra politics, Ajit Pawar: सत्ता गेली, पण वलय कायम! बारामतीत अजित पवारांना भेटण्यासाठी नागरिकांच्या रांगा – people standing in queue to meet ncp leader ajit pawar during janta darbar at baramati maharashtra

वा दादा! अजित पवारांचं अचूक नियोजन, ‘कॅग’कडून आर्थिक शिस्तीचं कौतुक

सत्तापालट झाल्यानंतर महाविकास आघाडीचे अनेक नेते पूर्वीइतके सक्रिय राहिलेले नाहीत. मात्र, अजित पवार त्याला अपवाद ठरताना दिसत आहेत. सत्ता गेल्यामुळे खचून न जाता अजितदादा आणखी जोमाने काम करताना दिसत आहेत. नुकत्याच झालेल्या पावसाळी अधिवेशनाच अजित पवार यांची विरोधी पक्षनेते म्हणून आपल्या कामाचा ठसा उमटवला होता. पावसाळी अधिवेशनाचे कामकाज साधारण ५ ते ६ दिवस चालले. या सर्व दिवसांमध्ये अजित पवार यांनी आपला प्रभाव दाखवून दिला. जवळपास प्रत्येक दिवशी अजित पवार हे शिंदे-फडणवीस सरकारच्या मंत्र्यांना धारेवर धरत होते. अजित पवार यांनी सभागृहात उपस्थित केलेल्या प्रश्नांना उत्तरे देताना अनेक मंत्र्यांची भंबेरी उडत होती. या मंत्र्यांना सावरून घेण्यासाठी भाजपचे आमदार सभागृहात आक्रमक होत होते. मात्र, अजित पवार यांनी सर्वांनाच आपला हिसका दाखवला होता.