सासरच्यांकडून नेमका काय त्रास होता
मंगला अरुण सोळंके यांनी तक्रार दिली की, दर्शना हिचा विवाह ६ फेब्रुवारी २०२२ रोजी प्रशांत रामकृष्ण पवार (गाव गायगाव, ता. शेगाव, जि. बुलडाणा. ह.मु. बालाजी नगर, कात्रज, पुणे.) याच्याशी झाला. प्रशांत एका खासगी कंपनीत पुण्यात कामाला असतो. तर सासरचेही पुण्याच्या पोस्ट ऑफिसमध्ये कार्यरत आहे. दरम्यान, माहेरकडून दर्शनाला सोने-चांदीचे दागिनेसह ४ लाख ५० हजाराचे भेट वस्तू लग्नात देण्यात आल्या होत्या. नंतर दर्शना ही तिच्या पतीबरोबर पुणे इथे राहायला गेली. प्रशांत त्याचे वडील रामकृष्ण आणि आई नंदा पवार असे चौघेही एकत्र राहत होते. काही दिवस चांगले गेले, नंतर मार्च २०२२ मध्ये छोट्या-छोट्या कारणांवरुन पती- सासरच्यांनी दर्शनाशी वाद घालायला सुरुवात केली.
आशिया कपमध्ये आज हायव्होटेज लढत; IND vs PAK मॅचचा निकाल या ५ गोष्टींवर ठरणार
“तुझ्या आई-वडिलांनी लग्नांमध्ये पाहुण्यांची काही सोय केली नाही, हलक्या दर्जाच्या वस्तू भेट दिल्या, तू खेळपट मुलगी आहे, असे वारंवार टोमणे द्यायचे. मारहाण करायचे, असं नेहमी दर्शना फोनवर सांगायची, असंही तक्रारीत नमूद आहे. यासोबतचं तिला माहेरकडून १ लाख ५० हजार रुपये आणण्यासाठी तगादा लावला. त्यानंतर माहेरकडच्यांनी तिला घेऊन अकोल्याच्या यावलखेड मध्ये घरी आणले. तेव्हा तिने झालेला पूर्ण त्रास माहेरच्यांना सांगितला.
सासरच्यांवर आत्महत्यास प्रवृत्त केल्याने गुन्हा दाखल
प्रशांत पवार व सासरच्यांनी नेहमी दर्शनाला शारिरिक, छळवणूक तसेच तिला घरून पैसे आणण्यासाठी नेहमी तगादा लावला जात होता. नेहमी शिवीगाळ करून मारहाण व जीवे मारण्याची धमकीही दिल्या जायची. तिने तिच्या माहेरच्या लोकांना हा संपूर्ण प्रकार सांगितला मात्र माहेरच्यांनी आज ना उदया तिला सासरचे नांदवतील तसेच परिस्थिती सुधरेल या आशेने तिला समजावून सांगायचे. परंतु दर्शनाचा त्रास कमी न होता वाढत गेला.
सासरचे तिला नेहमी नवनवीन मागणी करू लागले. दर्शना माहेरी असताना तिला फोनद्वारे तुला वागवत नाही तसेच प्रशांत दुसरे लग्न करेल, अशी धमकी देण्यात आली. त्यामुळेच दर्शनाने आता आत्महत्याचं पाऊल उचललं. तिने माहेरी यावलखेडला १९ ऑगस्ट रोजी गळफास घेवून आत्महत्या केली. असा आरोप दर्शनाच्या नातेवाईकांनी केला आहे.
मुंबईत विवाहित महिलेचं धक्कादायक कृत्य; प्रियकराचा रिक्षातच ओढणीने आवळला गळा
