youth died in accident, धान्य विकायला गेला तो परतलाच नाही! तरुणाचा अपघाती मृत्यू; चार बहिणींनी गमावला एकुलता एक भाऊ – in jalgaon youth died in accident after his rickshaw breaks down on road

धरणगाव शहरातील पारोळा नाका परिसरात भावडू उर्फ आशिष गजानन भावसार हा वास्तव्यास आहे. आशिष हा ग्रामीण भागात किरकोळ धान्य विक्रीचा व्यवसाय करत होता. नेहमीप्रमाणे तो आज खेडेगावावर जात असताना सकाळी ८.३० वाजता त्याची रिक्षा (एमएच १५ ईजी ६३०५) ही चोपडा रोडवरील कमल जिनिंगजवळ अचानक बंद पडली. याचवेळी मागून भरधाव वेगाने येणाऱ्या एका वाहनाने बंद पडलेल्या रिक्षाला जोरदार धडक दिली. यात अशिषच्या डोक्याला व पायाला जबर दुखापत झाली. अपघातानंतर जखमी अवस्थेत आशिषला जळगाव येथील रुग्णालयात नेत असताना त्याचा वाटेतच मृत्यू झाला.

चार बहिणींचा एकुलता एक भाऊ
आशिषचे पितृछत्र बालपणीच हरवलेले होते. तो चार बहिणींचा एकुलता एक भाऊ असल्याची माहिती परिसरातील नागरिकांनी दिली. आशिष मितभाषी आणि सर्वांमध्ये मिळून मिसळून राहायचा. तो प्रचंड कष्टाळू होता. त्यामुळे या घटनेने गावात हळहळ व्यक्त होत आहे.