Authored by prasad lad | Maharashtra TimesUpdated: Aug 29, 2022, 12:11 AM

ASIA CUP 2022 : भारत आणि पाकिस्तान यांच्यातील सामना अखेरच्या षटकापर्यंत रंगला. हा सामने कोण जिंकेल, हे सांगता येत नव्हते. पण या सामन्याचा टर्निंग पॉइंट काय छठराल, हे आता समोर आले आहे. ही गोष्ट घडली ती १८ व्या षटकात. यावेळी पाकिस्तानचा संघ गोलंदाजी करत होता. १८ व्या षटकात्या चौथ्या चेंडूवर ही गोष्ट घडली. त्यावेळी भारताचा रवींद्र जडेजा हा दमदार फलंदाजी करत होता.

 

ind vs pak
bcci twitter
दुबई : आशिया चषकातील पहिल्याच सामन्यात भारताने पाकिस्तानवर दमदार विजय साकारला. पण यावेळी हा सामना अखेरच्या षचकापर्यंत रंगला. पण या सामन्यात एक चेंडू टर्निंग पॉइंट ठरला. कारण एका चेंडूवर सामना पलटल्याचे पाहायला मिळाले.

ही गोष्ट घडली ती १८ व्या षटकात. यावेळी पाकिस्तानचा संघ गोलंदाजी करत होता. १८ व्या षटकात्या चौथ्या चेंडूवर ही गोष्ट घडली. त्यावेळी भारताचा रवींद्र जडेजा हा दमदार फलंदाजी करत होता. चौथ्या चेंडूवर यावेळी पाकिस्तानच्या गोलंदाजांनी जडेजाविरोधात पायचीतची अपील केली. त्यावेळी मैदानातील पंचांनीही जडेजाला बाद दिले होते. त्यावेळी भारतीय संघात चिंतेचे वातावरण होते. कारण जडेजा त्यावेळी चांगली फलंदाजी करत होता आणि तो बाद झाला असता तर कदाचित भारताला हा सामना गमवावा लागला असता. पण त्यावेळी जडेजाने हा निर्णयाविरोधात दाद मागितली. त्यानंतर तिसऱ्या पंचांनी हा चेंडू पाहिला. पहिल्यांदा त्यांनी बॉल ट्रॅकरवर हा चेंडू पाहिला. त्यावेळी हा चेंडू स्टम्पच्या लाइनमध्ये नसल्याचे पाहायला मिळाले. त्यामुळे पंचांनी यावेळी जडेजाला नाबाद ठरवले. या चेंडूनंतर जडेजाने षटकार ठोकला आणि आपले इरादे स्पष्ट केले. त्यामुळे १८व्या षटकातील चौथा चेंडू हा या सामन्यातील टर्निंग पॉइंट ठरला. कारण जडेजा बाद झाला असता तर हा सामना पाकिस्तानच्या बाजूने फिरू शकला असता.

जडेजा हा सामन्यात महत्वाचा ठरला. कारण रोहित आणि कोहली बाद झाल्यावर काही काळ रवींद्र जडेजा आणि सूर्यकुमार यादव यांनी थोडाफार प्रतिकार केला खरा, पण सूर्यकुमार यावेळी १८ धावांवर बाद झाला. पण त्यानंतर फलंदाजीला आलेल्या हार्दिक पंड्याने आक्रमक सुरुवात केली. त्याला जडेजाही चांगली साथ देत होता. जडेजाने त्यानंतर धडाकेबाज फटेकबाजी करायला सुरुवात केली आणि पाकिस्तानच्या गोलंदजांचा चांगलाच समाचार घेतला. जडेजाने यावेळी पहिल्यांदा भारताला विजयाचे स्वप्न दाखवले. त्यामुळे जडेजाने घेतलेला रीव्ह्यू या सामन्यात सर्वात महत्वाचा ठरला. त्यामुळे अठराव्या षटकातील रीव्ह्यूमुळे हा सामना फिरल्याचे पाहायला मिळाले.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here