student commits suicide, हात विजेच्या तारेनं बांधले, झाडूनं स्विच ऑन; आत्महत्येसाठी तरुणाचा वेदनादायी मार्ग – bhopal student committed suicide before admission in b pharma

भोपाळ: मध्य प्रदेशची राजधानी भोपाळमध्ये एका विद्यार्थ्यानं आत्महत्या केली आहे. अतिशय वेदनादायी पद्धतीनं विद्यार्थ्यानं स्वत:चा शेवट करून घेतला. विद्यार्थ्यानं त्याचे दोन्ही हात विजेच्या तारेनं बांधले. त्यानंतर तारेचं दुसरं टोक प्लगमध्ये घातलं आणि झाडून स्विच ऑन केला. शॉक लागून तरुणाचा मृत्यू झाला. आत्महत्येची माहिती मिळताच पोलीस घटनास्थळी पोहोचले. त्यांनी तरुणाचा मृतदेह शवविच्छेदनासाठी पाठवला आणि प्रकरणाचा तपास सुरू केला.

कुलदीप असं मृत तरुणाचं नाव असून तो २० वर्षांचा होता. काही दिवसांपूर्वीच त्यानं बी-फार्ममध्ये प्रवेश घेण्यासाठी नोंदणी केली होती. सोमवारी त्याचं ऍडमिशन होणार होतं. २६ ऑगस्टला कुलदीपचा वडिलांशी संवाद झाला होता अशी माहिती कुटुंबियांनी दिली. सगळं काही व्यवस्थित असल्याचं कुलदीपनं वडिलांना सांगितलं होतं.
गायीला चरायला घेऊन गेला तो परतलाच नाही; जुन्या विहिरीत डोकवायला गेला अन्…
शनिवारी सकाळी वडिलांनी कुलदीपला फोन केला. मात्र त्याचा फोन स्विच्ड ऑफ होता. त्यामुळे वडिलांनी कुलदीपच्या घरमालकाला कॉल केला. आपण कामावर असून घरी जाऊन बघतो, असं घरमालकानं सांगितलं. संध्याकाळी घरमालक कुलदीपच्या खोलीबाहेर पोहोचले. दरवाजा आतून बंद होता. अनेकदा आवाज दिल्यानंतरही कुलदीपनं दरवाजा न उघडल्यानं घरमालकानं पोलिसांना बोलावलं.

कुलदीप सिहोर जिल्ह्यातील बिलकिसगंजचा रहिवासी होता. सध्या तो भोपाळमधील नीलबड परिसरात भाड्यानं राहात होता. कुलदीप खोलीचा दरवाजा उघडत नसल्याची माहिती शनिवारी संध्याकाळी ७ वाजता पोलिसांना मिळाली. पोलीस घटनास्थळी पोहोचले, त्यावेळी त्यांना कुलदीप मृतावस्थेत आढळून आला. त्याचे हात विजेच्या तारेनं बांधलेले होते. कुलदीपनं आत्महत्या का केली यामागचं कारण अद्याप समजू शकलेलं नाही. पोलीस या प्रकरणाचा तपास करत आहेत.
भीषण! भयंकर!! कारवरील नियंत्रण सुटलं; पाच सेकंदांत पाच वेळा उलटली; झुडूपात जाऊन पडली
कुलदीपच्या खोलीत कोणतीही सुसाईड नोट सापडलेली नाही. कुलदीपनं आधी स्वत:चे दोन्ही हात बांधले. त्यानंतर तारेचं दुसरं टोक प्लगमध्ये टाकून स्विच ऑन केला. त्यामुळे करंट लागून कुलदीपचा मृत्यू झाला, अशी माहिती पोलिसांनी दिली. कुलदीपच्या आत्महत्येमुळे त्याच्या कुटुंबावर दु:खाचा डोंगर कोसळला आहे.