Fire in Mumbai | आगीच्या ज्वाळा जमिनीतून बाहेर निघत होत्या. येथून काही अंतरावरच एक पेट्रोलपंप आहे. त्यामुळे मोठी दुर्घटना होण्याची शक्यता आहे. काहीवेळापूर्वीच अग्निशमन दलाचे कर्मचारी याठिकाणी दाखल झाले आहेत. त्यांच्याकडून ही आग विझवण्याचे प्रयत्न सुरु आहेत. मात्र, संपूर्ण गॅसच्या पाईलपाईनला आग लागल्यास मोठा धोका निर्माण होऊ शकतो. त्यामुळे हा संपूर्ण परिसर खाली करण्यात आली आहे.
महानगर गॅसचा निष्काळजीपणा
सुरुवातीला याठिकाणी आगीच्या ठिणग्या पडत होत्या. त्यानंतर आग चांगलीच भडकली. आग लागल्यानंतर अग्निशमन दल याठिकाणी तातडीने दाखल झाले. वायूपुरवठा बंद न झाल्याने पाण्याचा जोरदार फवारा मारूनही ही आग विझत नव्हती. या काळात महानगर गॅसच्या कर्मचाऱ्यांनी याठिकाणी येणे अपेक्षित होते. परंतु, बराचवेळ उलटूनही महानगर गॅसचा कोणताही अधिकारी घटनास्थळी दाखल झालेला नव्हता. खबरदारीचा उपाय म्हणून परिसरातील काही दुकानांचा विद्युत पुरवठा बंद करण्यात आला आहे. तसेच परिसर रिकामा करण्याचं आवाहन केलं जात आहे. आजूबाजूची काही दुकान बंद करण्यात आली आहेत.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
