भास्कर जाधव आणि शिवसेना
२०१९ च्या विधानसभा निवडणुकीपूर्वी राष्ट्रवादीतून शिवसेनेत प्रवेश केलेल्या भास्कर जाधव यांना महाविकास आघाडीची सत्ता स्थापन झाल्यानंतर मंत्रिपदाचे वेध लागले होते. मात्र शिवसेना पक्षप्रमुख उद्धव ठाकरे यांना आश्चर्याचा धक्का देत भास्कर जाधव यांना मंत्रिपद देणं टाळलं. त्यानंतर जाधव यांनी याबाबतची नाराजी जाहीरपणे बोलून दाखवली होती. मात्र या नाराजीनंतरही भास्कर जाधव हे निष्ठेने शिवसेनेची खिंड लढवत राहिले. सभागृहात आणि जाहीर भाषणांमधूनही ते भाजपचा आक्रमक समाचार घेत आहेत.
एकनाथ शिंदेंच्या बालेकिल्ल्यातून शरद पवारांची मोठी घोषणा; महाराष्ट्र पिंजून काढत सरकारविरोधात रान पेटवणारएकनाथ शिंदे यांनी ४० आमदारांचा गट स्थापन करून उद्धव ठाकरेंपासून वेगळं होण्याचा निर्णय घेतल्यानंतरही भास्कर जाधव हे मात्र ‘मातोश्री’सोबत राहिले. त्यामुळे उद्धव ठाकरे यांनी नुकतीच त्यांची शिवसेना नेतेपदी निवड केली आहे. अशातच भास्कर जाधव यांनीही बंडासाठी प्रयत्न केल्याचा दावा निलेश राणे यांनी केल्याने राजकीय वर्तुळात हा चर्चेचा विषय झाला आहे. याबाबत आमदार जाधव हे काय खुलासा करतात, हे पाहणं महत्त्वाचं ठरणार आहे.
