ncp vidya chavan, राष्ट्रवादीच्या महिला प्रदेशाध्यक्षा विद्या चव्हाण यांच्याविरोधात मुंबईत गुन्हा दाखल – a case has been registered in mumbai against ncps women state president vidya chavan

मुंबई : राष्ट्रवादी काँग्रेसच्या महिला प्रदेशाध्यक्षा आणि माजी आमदार विद्या चव्हाण यांच्याविरोधात सांताक्रुज पोलीस ठाण्यात गुन्हा दाखल करण्यात आला आहे. भाजप नेते आणि केंद्रीय गृहमंत्री अमित शहा, भाजपचे माजी खासदार किरीट सोमय्या आणि मोहित कंबोज यांच्याबाबत आक्षेपार्ह वक्तव्य केल्याप्रकरणी हा गुन्हा नोंद करण्यात आल्याची माहिती आहे.

भाजप नेते मोहित कंबोज हे गेल्या काही दिवसांपासून महाविकास आघाडीतील नेत्यांना लक्ष्य करत आहेत. राष्ट्रवादीचे नेते आणि विधानसभेचे विरोधी पक्षनेते अजित पवार आणि राष्ट्रवादीचे आमदार रोहित पवार यांच्यावर अप्रत्यक्षपणे भ्रष्टाचाराचे आरोप करत कंबोज यांनी राजकीय खळबळ उडवून दिली. त्यानंतर राष्ट्रवादीच्या पदाधिकाऱ्यांनी त्यांच्याविरोधात रान उटवण्यास सुरुवात केली आहे. अशातच एका मराठी वृत्तवाहिनीवरील चर्चेत बोलताना विद्या चव्हाण यांनी कंबोज यांच्यासह भाजपच्या इतर नेत्यांवर हल्ला चढवला.

ज्या अभिजीत पाटलांवर आयटीची धाड ते लवकरच भाजपमध्ये प्रवेश करतील: प्रवीण दरेकर

या पार्श्वभूमीवर आता मुंबईतील सांताक्रुज पोलीस ठाण्यात विद्या चव्हाण यांच्याविरोधात आयपीसी कलम ५०५/२, ३७/१, १३५, ५०० अंतर्गत गुन्हा दाखल करण्यात आला आहे.

दरम्यान, पोलीस ठाण्यात दाखल झालेल्या गुन्ह्याबाबत विद्या चव्हाण यांनी अद्याप कोणतीही प्रतिक्रिया दिलेली नाही.