vasai news, भयंकर! रुग्णांशेजारीच बारा तास मृतदेह पडून होता; वसईच्या पालिका रुग्णालयातील धक्कादायक प्रकार – the dead body was lying next to the patients for twelve hours in vasai

पोलिसांनी उपचारासाठी या रुग्णालयात दाखल केलेल्या एका बेवारस रुग्णाचा २६ ऑगस्ट रोजी रात्री ११ वाजण्याच्या सुमारास मृत्यू झाला होता. हा मृतदेह सर्वसामान्य विभागात दाखल असलेल्या रुग्णांच्या शेजारी ठेवण्यात आला होता. हा मृतदेह २७ ऑगस्टच्या रात्री तेथून हलवण्यात आला. रुग्णालयात उपचार घेत असलेल्या रुग्णांच्या शेजारीच हा मृतदेह दीर्घकाळ ठेवण्यात आल्याने इतर रुग्ण व त्यांच्या कुटुंबियांना मनस्ताप होत असल्याचे आपल्या नातेवाईकांना भेटण्यासाठी रुग्णालयात आलेले धीरज वर्तक यांनी सांगितले. त्यांनी हा प्रकार आपल्या मोबाइल कमेऱ्यात कैद केला. हा व्हिडीओ सोशल मीडियावर चांगलाच व्हायरल झाला.

पालिकेच्या मुख्य वैद्यकीय आरोग्य अधिकारी डॉ. भक्ती चौधरी यांच्याकडे याबाबत विचारणा केली असता त्यांनी सांगितले की, संबंधित व्यक्ती बेवारस असल्याने पोलिस हा मृतदेह ताब्यात घेणार होते. पोलिसांकडून हा मृतदेह ताब्यात घेण्यासाठी येत असल्याचा निरोप दिवसभरात अनेकदा मिळाल्याने मृतदेह तिथून हलवण्यात आला नाही. मात्र २७ तारखेचा पूर्ण दिवस या प्रतीक्षेत गेला. प्रत्यक्षात पोलिसांनी २७ तारखेला रात्री ११ वाजण्याच्या सुमारास रुग्णालयात येऊन मृतदेह ताब्यात घेतला. या कारणामुळे मृतदेह त्याच जागी राहिल्याचे डॉ. चौधरी यांनी सांगितले.