Maharashtra Politics | काही दिवसांपूर्वीच उज्ज्वल निकम यांनी ठाण्यातील नंदनवन बंगल्यावर जाऊन मुख्यमंत्री एकनाथ शिंदे यांची भेट घेतली होती. त्यानंतर आता निकम हे देवेंद्र फडणवीस यांच्या भेटीला पोहोचल्याने तर्कवितर्कांना उधाण आले आहे. उज्ज्वल निकम यांनी विशेष सरकारी वकील म्हणून एक काळ गाजवला होता. अनेक महत्त्वाच्या खटल्यांमध्ये त्यांनी राज्य सरकारची बाजू समर्थपणे मांडली होती.
हायलाइट्स:
- कायदेशीर वर्तुळात उज्ज्वल निकम यांचा एक आदरयुक्त दरारा
- उज्ज्वल निकम हे सध्या काही खटल्यांमध्ये सरकारी वकील म्हणून काम पाहत आहेत
- या सर्व खटल्यांची माहिती देवेंद्र फडणवीस यांनी जाणून घेतल्याचे समजते
काही दिवसांपूर्वीच उज्ज्वल निकम यांनी ठाण्यातील नंदनवन बंगल्यावर जाऊन मुख्यमंत्री एकनाथ शिंदे यांची भेट घेतली होती. त्यानंतर आता निकम हे देवेंद्र फडणवीस यांच्या भेटीला पोहोचल्याने तर्कवितर्कांना उधाण आले आहे. देवेंद्र फडणवीस आणि उज्ज्वल निकम यांनी भेट नक्की कोणत्या कारणासाठी होती, हे अद्याप स्पष्ट झालेले नाही. परंतु, शिंदे-फडणवीस सरकार भविष्यात त्यांच्यावर एखादी महत्त्वपूर्ण जबाबदारी सोपवणार का, हेदेखील पाहावे लागेल.
Sandipan Bhumare : सावे-सत्तार मागे, भुमरे सबसे आगे, औरंगाबादचे पालकमंत्रिपद निश्चित?एकनाथ शिंदे यांच्या बंडानंतर शिवसेना फुटल्याने सत्तांतर झाले होते. त्यामुळे राज्यात सत्तासंघर्ष सुरु झाला होता. त्यानंतर शिंदे गटातील १६ आमदारांची अपात्रता आणि शिवसेना कोणाची, या मुद्द्यांवरून सर्वोच्च न्यायालयात कायदेशीर लढाई सुरु आहे. यापूर्वी उज्ज्वल निकम यांनी अनेक महत्त्वपूर्ण खटल्यांमध्ये विशेष सरकारी वकील म्हणून राज्य सरकारची बाजू भक्कमपणे मांडली आहे. त्यामुळे कायदेशीर वर्तुळात उज्ज्वल निकम यांचा एक आदरयुक्त दरारा होता. एखादा खटला त्यांच्याकडे गेला की त्याचा निकाल सरकारच्या बाजूने लागणार, असे जवळपास गृहीतच धरले जायचे. त्यामुळे सध्या महाराष्ट्रात सुरु असलेल्या सत्तासंघर्षात उज्ज्वल निकम हे एकनाथ शिंदे गटासाठी आपले कायदेशीर कौशल्य पणाला लावणार का, याविषयी आता चर्चांना सुरुवात झाली आहे.
राज ठाकरे अ‍ॅक्शन मोडमध्ये, एकाच दिवसात फडणवीस-तावडेंची भेट, आता बावनकुळेही शिवतीर्थवर जाणार
योगगुरु रामदेव बाब मुख्यमंत्र्यांच्या भेटीला
योगगुरु रामदेव बाबा यांनी मंगळवारी मुख्यमंत्री एकनाथ शिंदे यांच्या भेटीला आले होते. शिंदे यांच्या ठाण्यातील नंदनवन निवासस्थानी जाऊन रामदेव बाबा त्यांना भेटले. ही भेट नेमकी कशासाठी होती, याचा तपशील अद्याप उघड झालेला नाही.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
