police comes with bullodozer, नादच केलाय थेट! पोलीस बुलडोझर घेऊन पोहोचले महिलेच्या सासरी; नेमकं घडलं तरी काय? – up crime news police called for a bulldozer to send the woman to her in laws house in bijnor

न्यायालयाचा आदेश मिळताच पोलीस महिलेला तिच्या सासरी पोहोचले. त्यावेळी सासरच्या लोकांनी महिलेशी वाद घातला. महिलेच्या पतीनं आणि त्याच्या कुटुंबीयांनी घराचा दरवाजा उघडण्यास नकार दिला. त्यामुळे घराचा दरवाजा उघडण्यासाठी पोलिसांनी बुलडोझर मागवला. पोलिसांनी बुलडोझरच्या मदतीनं गेच पाडण्याची तयारी सुरू केली. अखेर बुलडोझरला घाबरून महिलेच्या सासरच्या मंडळींनी दरवाजा उघडला. त्यामुळे महिलेला सासरी जाता आलं.
बाईक रुळांवर पडली, चालक गडबडला; तितक्यात ११० किमी वेगानं ट्रेन धावली अन् मग…
प्रकरण नेमकं काय?
प्रकरण हल्दौरमधील हरीनगर गावातलं आहे. शेर सिंह नावाच्या व्यक्तीनं त्याची मुलगी नूतनचं लग्न हिंदू रितीरिवाजांनुसार रॉबिन नावाच्या तरुणाशी केलं. १ मार्च २०१७ रोजी नूतन आणि रॉबिनचा विवाह झाला. शेर सिंह यांनी त्यांच्या आर्थिक परिस्थितीनुसार लग्न लावून दिलं. लग्नानंतर काही महिने आनंदात गेले. मात्र त्यानंतर त्यांच्याकडून हुंड्याची मागणी होऊ लागली.
कोणाकडून तरी पैसे घ्यायली गेली अन् नदीकिनारी मृतावस्थेत सापडली; गायिकेच्या हत्येचा संशय
पाच लाख रुपये आणि एक कार अशी सासरच्या मंडळींची मागणी होती. मागणी पूर्ण होत नसल्यानं रॉबिननं नूतनला मारहाण करण्यास सुरुवात केली. तिला घराबाहेर काढलं. नूतनं बिजनौर न्यायालयात धाव घेतली. मात्र रॉबिनच्या कुटुंबानं न्यायालयाच्या आदेशाकडे दुर्लक्ष केलं. त्यानंतर नूतननं अलाहाबाद उच्च न्यायालयात दाद मागितली. नूतन सासरीच राहील आणि तिच्या संरक्षणाची जबाबदारी पोलिसांची असेल, असा आदेश न्यायालयानं दिला. त्या आदेशाची अंमलबजावणी पोलिसांनी केली.