यंदा करोनासंकट टळले, बाप्पा करणार ५०० किमीचा प्रवास, गोदावरी एक्स्प्रेसमध्ये श्रींची प्रतिष्ठापना
‘महाविकास आघाडीच्या नेत्यांच्या तोंडी लोकशाहीची भाषा शोभत नाही’
सर्वोच्च न्यायालयाचा निर्णय शिंदे गटाच्या बाजूने लागला तर लोकशाही संपून जाईल अशी भाषा विरोधक करत आहेत. मात्र महाविकास आघाडीच्या नेत्यांच्या तोंडी लोकशाहीची भाषा शोभत नाही. कारण शिंदे गटाचे प्रकरण सर्वोच्च न्यायालयात प्रलंबित आहे. न्यायालयाच्या निर्णयाचा आदर करणार नसाल तर कोणत्या लोकशाहीची भाषा करता? असा प्रश्न उपस्थित करत न्यायालयाच्या निर्णयाचा प्रत्येकाने आदर करायला शिकलं पाहिजे, असा सल्ला विखे पाटलांनी महाविकास आघाडीच्या नेत्यांना दिला आहे.
‘उद्धव ठाकरेंना जमलं नाही ते मुख्यमंत्री शिंदेंनी करून दाखवलं’; रामदास कदमांनी निर्णयांची यादीच वाचलीदरम्यान, राधाकृष्ण विखे पाटलांच्या हस्ते प्रवरा सहकारी साखर कारखान्याच्या कार्यस्थळावर श्री गणेशाची स्थापना करण्यात आली. यावेळी पत्नी शालिनी विखे यांच्या सोबत त्यांनी गणरायाची पूजा केली. राज्यातील जनतेला गणेशोत्सवाच्या शुभेच्छा देत राज्य अधिक उत्तम चालावे यासाठी गणरायाला साकडं घातल्याचे त्यांनी प्रसारमाध्यमांशी बोलताना सांगितले.
