serial killer smashes security guards heads when they are asleep: मध्य प्रदेशच्या सागर जिल्ह्यात सीरियल किलरची दहशत पसरली आहे. त्याच्या निशाण्यावर सुरक्षा रक्षक आहेत. सुरक्षा रक्षकांचा जीव जात नाही तोपर्यंत सीरियल किलर त्यांच्यावर हल्ला करत राहतो. तो डोक्यावर हल्ला करतो. त्यासाठी दगड, काठी, हातोडा अशा कोणत्याही वस्तूंचा वापर करतो. त्यानं आतापर्यंत चार जणांची हत्या केली आहे.
व्हिडीओ फोन कॉलिंग रॅकेट उद्ध्वस्त करायला गेले; मुंबई पोलिसांच्या हाती पॉर्न रॅकेट लागले
मंगळवारी रात्री सीरियल किलरनं मंगल अहिरवार नावाच्या सुरक्षा रक्षकावर हल्ला केला. मंगलचा जीव वाचला. मात्र तो सध्या मृत्यूशी झुंज देत आहे. त्याच्या डोक्याला गंभीर स्वरुपाची इजा झाली आहे. त्याला उपचारांसाठी भोपाळमध्ये हलवण्यात आलं आहे. त्याचा जीव वाचल्यास त्याच्याकडून पोलिसांना हल्लेखोराबद्दल काहीतरी माहिती मिळू शकते.
कोणाकडून तरी पैसे घ्यायली गेली अन् नदीकिनारी मृतावस्थेत सापडली; गायिकेच्या हत्येचा संशय
मोती नगर पोलीस ठाण्याच्या हद्दीत मंगलवर हल्ला झाला. याआधीचे दोन हल्ले केंट आणि सिव्हिल लाईन पोलीस ठाण्याच्या हद्दीत झाले. सीरियल किलरनं रविवारी आणि सोमवारी रात्री सुरक्षा रक्षकांवर हल्ले केले. त्यांच्या डोक्यावर दगड आणि हातोड्यानं वार केले. या हल्ल्यांची सुरुवात मे महिन्यात सुरू झाली. त्यावेळी मकरोनिया पोलीस ठाण्याच्या हद्दीत येणाऱ्या पुलाचं बांधकाम करणाऱ्या सुरक्षा रक्षकाचा मृतदेह आढळून आला. ५८ वर्षांचे उत्तम रजक मकरोनिया-बांदा रोडवर बांधल्या जात असलेल्या उड्डाणपुलावर रात्रपाळी करत होते. ते झोपले असताना त्यांच्यावर हल्ला झाला. डोक्यावर वार केल्यानंतर आरोपीनं त्यांच्या चेहऱ्यावर बूट ठेवला. पोलिसांना या प्रकरणी अद्याप कोणताच पुरावा सापडलेला नाही.
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
