cow trafficking, गोपनीय माहिती मिळाली, रुग्णवाहिका थांबवली, दार उघडले; आतील दृश्य पाहून पोलीस चक्रावले – police rescues 6 cows from ambulance in dhule driver arrested

रुग्णांच्या नावाने रुग्णवाहिकेमधून गुरांच्या वाहतुकीचा संतापजनक प्रकार शिरपूर शहर पोलिसांनी वाघाडी येथे उघडकीस आणला. सहा गायी आणि रुग्णवाहिका ताब्यात घेत पोलिसांनी चालकाला अटक केली आहे. शिरपूर पोलिसांनी ही कारवाई केली. मध्यप्रदेशातील एका रुग्णवाहिकेतून गायींची वाहतूक करण्यात येत असून बोराडी मार्गे शिरपूरकडे येत असल्याची गोपनीय माहिती शिरपूर शहर पोलीस ठाण्याचे पोलीस निरीक्षक रविंद्र देशमुख यांना मिळाली होती.
ड्युटीवर झोपला की संपला! वॉचमनवर हल्ले करणारा सीरियल किलर; ७२ तासांत ३ हत्या
मिळालेल्या माहितीच्या आधारे गुन्हे शाखेच्या पथकाने वाघाडी येथे सापळा रचला होता. सकाळी सातच्या सुमारास पोलीस पथकाने एमपी ०९ एफए ४५९३ क्रमांकाची फोर्स कंपनीची रुग्णवाहिका थांबवून चौकशी केली असता रुग्णांच्या नावाने रुग्णवाहिकेमधून गुरांची वाहतूक होत असल्याचे धक्कादायक कृत्य उघडकीस आले. शिरपूर पोलिसांच्या पथकाने सदर रुग्णवाहिका ताब्यात घेत यामधून मधून ३६ हजार रुपये किमतीच्या ६ गायींची सुटका करून २ लाख ८६ हजार रुपयांचा मुद्देमाल ताब्यात घेतला. चालक विजय पौलाद चव्हाण (वय २३ रा. महू ता. जि. इंदूर मध्य प्रदेश) यास अटक करण्यात आली.