जळगाव : पाचोरा शहरातील एका ३० वर्षीय तरूणाने त्याच्या मुलीसोबत खेळायला आलेल्या अवघ्या ६ वर्षीय चिमुकलीवर अत्याचार केल्याची घटना समोर आली आहे. याप्रकरणी गुरुवारी पाचोरा पोलीस ठाण्यात गुन्हा दाखल झाला असून संशयिताला अटक करण्यात आली आहे.

मिळालेल्या माहितीनुसार, पाचोरा शहरातील ६ वर्षीय मुलगी संशयित आरोपीच्या घरी दुपारी त्याच्या मुलीसोबत खेळण्यास गेली होती. तेव्हा आरोपी तरुणाने तिला लज्जा निर्माण होईल, असं कृत्य केले. हा प्रकार समोर आल्यानंतर पीडित मुलीच्या आजीने पोलिसात तक्रार दिली. त्यानंतर पीडितेची वैद्यकीय तपासणी करण्यात आली. त्यानुसार याबाबत पाचोरा पोलिसात गुन्हा नोंदविण्यात आला आहे. तसंच संशयित तरुणाला पोलिसांनी ताबोडतोब ताब्यात घेतलं आहे.

भयंकर! शिंदे गटातील शिवसेना पदाधिकाऱ्याची हत्या; गळा आवळून मृतदेह तलावात फेकला

दरम्यान, या घटनेने जिल्ह्यात मोठी खळबळ उडाली आहे. याप्रकरणी पुढील तपास पोलीस निरीक्षक किसनराव नजन पाटील यांच्या मार्गदर्शनाखाली पोलीस कर्मचारी करत आहेत.

LEAVE A REPLY

Please enter your comment!
Please enter your name here