business purchases unsold ganesh idols: तब्बल हजाराहून अधिक मूर्ती एकाच ठिकाणी ठेवण्यात आल्या असून तीन ते चार दिवसानंतर या मूर्तीचे विधीवत पूजन करुन विसर्जन केले जाणार आहे. एखाद्या मूर्ती व्यावसायिकांकडे उरलेल्या गणेशमूर्ती विकत घेण्याचा हा राज्यातला कदाचित पहिलाच उपक्रम असून केवळ पैशांचा मोठेपणा नाही तर खुबचंद साहित्या यांनी मनाचाही मोठेपणा दाखवून दिला आहे.

 

ganesh murti
जळगाव: मूर्तीकारांकडील सर्व गणेश मूर्ती विकल्या जात नाहीत. त्यामुळे शिल्लक राहिलेल्या मूर्तींची विटंबना होऊ नये म्हणून जळगाव शहरातील बांधकाम व्यावसायिक खुबचंद साहित्या यांनी मूर्ती व्यावसायिकांकडे उरलेल्या सर्व मूर्ती विकत घेतल्या आहेत. विशेष म्हणजे तब्बल हजाराहून अधिक मूर्ती एकाच ठिकाणी ठेवण्यात आल्या असून तीन ते चार दिवसानंतर या मूर्तीचे विधीवत पूजन करुन विसर्जन केले जाणार आहे. एखाद्या मूर्ती व्यावसायिकांकडे उरलेल्या गणेशमूर्ती विकत घेण्याचा हा राज्यातला कदाचित पहिलाच उपक्रम असून केवळ पैशांचा मोठेपणा नाही तर खुबचंद साहित्या यांनी मनाचाही मोठेपणा दाखवून दिला आहे.

शहरातील काही विक्रेत्यांकडे गणेशमूर्ती शिल्लक राहिल्या होत्या. यंदा गणेशमूर्ती विक्रेत्यांची वाढलेली संख्या पाहता सर्वांजवळच्या सर्व मूर्ती विकल्या जाण्याची शक्यता नाही आणि त्यामुळे हे लहान लहान व्यावसायिक आर्थिकदृष्ट्या अडचणीत येण्याची शक्यता होती. उरलेल्या मूर्तींची विटंबना होऊ नये अशी खुबचंद यांची भावना होती. त्यामुळे त्यांनी शिल्लक राहिलेल्या सर्व मूर्ती गुरूवारी विकत घेतल्या. त्यामुळे त्या लहान व्यावसायिकांना दिलासा तर मिळाला असून त्यांच्यासाठी खुबचंद साहित्या हे जणू काही देवदूत बनून उभे राहिले आहे.
बघा बघा, शेतात मूर्ती सापडल्या! पाहायला अख्खा गाव जमला अन् गाव जमवणारा तुरुंगात गेला
संकलित मूर्ती जळगाव शहरातील खान्देश मिल कम्पाऊंड परिसरातील संत बाबा हरदासराम मार्केटमधील दुकाने व हॉलमध्ये ठेवण्यात आल्या आहेत. पुढील तीन दिवस सकाळ-सायंकाळी आरती केली जाणार असून, शनिवारी दुपारी चार वाजता या सर्व मूर्ती वाहत्या पाण्यात विसर्जित करण्यात येणार आहेत. तोपर्यंत जळगावकरांना एकाच ठिकाणी एकाचवेळी अनेक बाप्पांचे दर्शन घडणार आहे. एकाचवेळी एवढ्या मूर्तीची एकत्रित पूजा व विसर्जनाचा हा राज्यातील पहिलाच उपक्रम असल्याचा दावा केला जात असून याद्वारे असून व्यावसायिक खूबचंद साहित्या यांनी समाजासमोर मोठा आदर्श ठेवला आहे. आमचे खूप मोठे नुकसान झाले असते. मात्र खुबचंद साहित्या हे देवासारखे आमच्या मदतीसाठी धावून आले असे म्हणत मूर्ती विक्रेत्यांनी साहित्या यांचे आभार मानले.
बाप्पा, आम्ही ८ तास तुझ्या रांगेत होतो; लेकीची आत्महत्या, आईचं लालबागच्या राजाला भावुक पत्र
का घेतला निर्णय?
मी स्वत: एक व्यावसायिक आहे. त्यामुळे व्यावसायिकाचा नफा तोटा मला माहिती आहे. यंदा करोना नसल्याने मूर्तीकारांनी मोठ्या संख्येनं मूर्ती घडवल्या. मोठ्या संख्येने अनेक व्यावसायिक मूर्ती विक्रीसाठी दिसून आले. सर्वांजवळच्या सर्व मूर्ती विकल्या जाणार नाहीत आणि अनेकांना त्याचा आर्थिक फटका बसू शकतो, हे माझ्या लक्षात आले. लहान व्यावसायिक आर्थिक तोटा सहन करू शकणार नाहीत. पण आपण तो सहन करू शकतो, असा विचार करून त्यांच्याकडील उर्वरित सर्व मूर्ती विकत घेण्याचा निर्णय घेतला असल्याचे खूबचंद साहित्या यांनी बोलताना सांगितले.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here