Authored by टीम मटा ऑनलाइन | Edited by रोहित धामणस्कर | महाराष्ट्र टाइम्स.कॉमUpdated: Sep 2, 2022, 7:49 PM
Ganesh utsav 2022 | सुनावणीसाठी अप्पर पोलीस, उपायुक्त आणि वरिष्ठ पोलीस निरीक्षक न्यायालयात हजर होते. या सुनावणीत न्यायालयाने मंडळाला देखावा सादर करण्याची सशर्त परवानगी दिली. विजय मित्र मंडळाला देखाव्यातील आक्षेपार्ह दृश्य तसेच ऑडीओ क्लिप मधील आक्षेपार्ह संवाद काढून टाकण्याच्या अटीवर देखावा सादर करण्यास परवानगी देण्यात आली आहे. या देखाव्यात शिवसेना विरुद्ध एकनाथ शिंदे गटातील वादावर भाष्य करण्यात आले होते.
हायलाइट्स:
- कारवाईला विरोध करत मंडळाने मूर्तीची स्थापना केली नाही
- यापुढे उत्सव साजरा न करण्याची प्रतिज्ञा
- न्यायालयात शुक्रवारी या प्रकरणाची सुनावणी झाली
८० वर्षांपासून रुग्णसेवा केलेल्या टाटा कॅन्सर हॉस्पिटलविषयी कृतज्ञता, गणेश मंडळाचा उत्कृष्ट देखावाया प्रकरणाची सुनावणी गुरुवारी होणार होती. मात्र, सरकारी पक्षाचा प्रतिनिधी उपस्थित नसल्याने ही सुनावणी पुढे ढकलण्यात आली होती. न्यायमूर्तींनी या प्रकरणात डीसीपी, वरिष्ठ पीआय आणि इतरांना सरकारी पक्षातर्फे उपस्थित राहण्याचे आदेश दिले होते. त्यानुसार न्यायालयाने दोन दुरुस्त्यांसह या देखाव्याला पुन्हा परवानगी दिली आहे.
ठाकरे-शिंदेंचं समुद्रमंथन! गणेशोत्सव मंडळाच्या वादग्रस्त देखाव्याला पोलिसांनी परवानगी नाकारलीदेखावा वादग्रस्त का ठरला?
शिवसेना विरुद्ध एकनाथ शिंदे गटातील वादामुळे या देखाव्यावर आक्षेप घेण्यात आला होता. पक्षनिष्ठा या विषयावर चलचित्र देखावा साकारण्यात आला होता. या देखाव्यात शिवसेना म्हणून मोठा वृक्ष दाखवण्यात आला आहे. तर, या वृक्षाला फळे लागल्यानंतर ती इतर पक्ष खातात अशा आशयाचा हा देखावा होता. कल्याण पोलिसांनी ३१ तारखेला पहाटे कारवाई करत देखाव्याची सामग्री जप्त केली होती. त्यानंतर विजय मित्र मंडळाचे कार्यकर्ते आक्रमक झाले होते. मंडळातर्फे प्रत्येक वर्षी महत्वाच्या घडामोडीवर देखावा साकारला जातो. यंदाच्या देखाव्यात काहीच आक्षेपार्ह नव्हते. देखावा जप्त करण्याची कारवाई, ही हिटलरशाही आहे. या कारवाईचा निषेध म्हणून आम्ही यंदा गणेश मूर्तीची स्थापना करणार नाही, अशी भूमिका मंडळाने घेतली होती.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
