asia cup 2022, रोहित शर्मा भडकला! पंतला सुनावले, हार्दिकनं हात जोडले; ड्रेसिंग रुममध्ये नेमके काय घडले? – angry rohit sharma blasted on rishabh pant for his casual approach in ind vs pak asia cup

मधल्या फळीतील फलंदाजांच्या सुमार कामगिरीमुळे कर्णधार रोहित शर्मा संतापला. यष्टिरक्षक फलंदाज ऋषभ पंत १२ चेंडूंमध्ये १४ धावा करून ड्रेसिंग रुममध्ये परतला. त्यावेळी रोहितनं पंतला चांगलंच सुनावलं. शादाबच्या गोलंदाजीवर पंत आत्मघाती फटका खेळला. आधीच्या चेंडूवर पंत गडबडला होता. चेंडू त्याच्या बॅटच्या कडेला लागून यष्टिरक्षकाच्या बाजूनं गेला. त्यानंतर पुढच्याच चेंडूवर पंतनं रिव्हर्स स्वीप मारला आणि आसिफ अलीला सोपा झेल दिला.

झेलबाद होऊन पंत माघारी परतला. ड्रेसिंग रुममध्ये जाताच रोहित शर्मानं त्याला चांगलंच फटकारलं. विशेष म्हणजे याचवेळी कॅमेरामननं ड्रेसिंग रुमकडे कॅमेरा वळवला. पंत आणि रोहितच्या देहबोलीवरून त्यांच्यातील संवादाची कल्पना क्रिकेट रसिकांना आली. पंत रोहितला काहीतरी समजावू पाहत होता. त्यासाठी तो हावभाव करत होता.
Virat Kohli : विराट कोहलीसाठी खास पाकिस्तानवरून आली मुलगी? अनुष्काची झाली आग आग!
ऋषभ पंत काल चौथ्या क्रमांकावर फलंदाजीला आला. पंत फलंदाजीस उतरला, त्यावेळी हार्दिक पांड्या रोहित शर्माशी सतत बोलत होता. पांड्याला पंतच्या जागी फलंदाजी करायची होती, असं त्याच्या देहबोली आणि हावभावांवरून वाटत होतं. त्यावर रोहित शर्मानं उत्तर दिल्यावर पांड्यानं हात जोडले. हार्दिकला भोपळाही फोडता आला नाही. तो माघारी परतल्यावर रोहित पंतप्रमाणेच त्याच्याशीही बोलला.