अक्षय त्याच्या मित्रासोबत रेल्वे रुळांजवळ रील तयार करायला आला होता. मित्रानं चित्रीकरण सुरू करताच अक्षय रेल्वे रुळांजवळ उभा राहिला. त्याच्या मागून भरधाव वेगात ट्रेन आली. ट्रेन आपल्या जवळून अगदी काही इंचांवरून जाईल, असा अक्षयचा अंदाज होता. मात्र त्याचा अंदाज चुकला. ट्रेननं अक्षयला धडक दिली. अक्षय हवेत उडाला आणि खाली पडला. त्याच्यावर सध्या रुग्णालयात उपचार सुरू आहेत. त्याच्या जीवाला असलेला धोका अद्याप टळलेला नाही.
अंधेरीत खून, मृतदेह बॅगेत टाकून लोकल प्रवास; नायगावात बॅग फेकली, वैष्णोदेवी गाठली अन् मग…
बिहारच्या कटिहारमध्येही अशाच प्रकारची घटना घडली होती. धावत्या ट्रेनसमोर रील तयार करणं दोन तरुणांना महागात पडलं होतं. ट्रेननं दिलेल्या धडकेत दोघांचा मृत्यू झाला. बारसोई पोलीस ठाण्याच्या हद्दीत येणाऱ्या लहगरिया परिसरात ही घटना घडली. त्या घटनेचा व्हिडीओदेखील सोशल मीडियावर व्हायरल झाला होता.
