Dhule Soldier Martyr : भारतीय सैन्यात अत्यंत थंडीचे ठिकाण समजले जाणारे सियाचिन ग्लेशियर या ठिकाणी ऑपरेशन मेघदूतमध्ये सेवा बजावत असताना भारतीय सैन्य दलाचे मनोहर पाटील यांना देश सेवा बजावत असताना वीर मरण आले.
Dhule Soldier news : सियाचिनमध्ये मनोहर पाटलांना सेवा बजावताना वीरमरण!
हायलाइट्स:
- भारतीय सैन्य दलाच्या मनोहर पाटलांना विर मरण
- सियाचिन ग्लेशियरमध्ये ऑपरेशन मेघदूतमध्ये विर मरण
- मनोहर पाटील धुळ्याचे रहिवासी होते
धुळे तालुक्यातील न्याहळोद येथील मनोहर रामचंद्र पाटील (वय ४२) हे हवालदार पदावर भारतीय सेनादलात २००२ मध्ये भरती झाले होते. सध्या ते फिल्ड वर्कशॉप येथे भारतीय सैन्यात अत्यंत थंडीचे ठिकाण समजले जाणारे सियाचिन ग्लेशियर या ठिकाणी ऑपरेशन मेघदूत मध्ये सेवा बजावत होते. देश सेवा बजावत असताना त्यांना १६ जुलै रोजी तेथील हवामानातील दुष्परिणामुळे त्यांच्या रक्तवाहिन्या गोठल्या गेल्या त्यामुळे त्यांना तीव्र डोकेदुखी आणि उलटीचा त्रास सुरू झाला. त्यामुळे त्याच दिवशी त्यांना तातडीने हेलिकॉप्टरद्वारे पुढील उपचारासाठी रुग्णालयात दाखल करण्यात आले. मात्र, रुग्णालयात उपचार सुरू असताना अखेर काल त्यांची प्राणज्योत मालवली.
Arvind Giri : कारमध्येच हार्ट अटॅक, भाजपचे ज्येष्ठ नेते अरविंद गिरी यांचं अकस्मात निधन
शहीद मनोहर पाटील यांचे पार्थिव आज हवाई मार्गाने पुणे येथील हवाई अड्ड्यावर आणण्यात येईल. येथून शासकीय रुग्णवाहिकेद्वारे धुळे तालुक्यातील न्याहळोद येथील त्यांच्या निवासस्थानी आणण्यात येणार आहे. त्यानंतर त्यांच्या पार्थिवावर दुपारी अंत्यसंस्कार केले जाणार आहेत. शहीद मनोहर पाटील यांच्या पश्चात त्यांची पत्नी मायाबाई पाटील तसेच ९ वर्षाची मुलगी, आई, वडील व चार भाऊ असा परिवार आहे. शहीद जवान मनोहर पाटील यांच्या शहीद झाल्याचे वृत्त धुळे तालुक्यात येऊन धडकल्याने धुळे ग्रामीणचे आमदार कुणाल पाटील यांनी शोक व्यक्त केला आहे.
राकेश रोशन यांच्यावर अबू सालेमने झाडलेल्या गोळ्या; धक्कादायक आहे कारण
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
