cyrus mistry, ती चूक मिस्त्रींच्या जीवावर बेतली; देशातील ७०% प्रवासीदेखील करतात हीच चूक, तुमचं काय? – cyrus mistry death 7 out of 10 indians never wear seat belt when travelling in the rear seat says survey

मिस्त्री यांच्या कारमध्ये ६ एअर बॅग्स होत्या. कारमध्ये सुरक्षेच्या दृष्टीकोनातून अनेक महत्त्वाची फीचर्स देण्यात आली होती. मात्र मिस्त्री यांना एक चूक महागात पडली. भारतामधील १० पैकी ७ प्रवासी कारमध्ये मागील सीटवर बसल्यावर सीट बेल्ट लावत नाहीत. लोकलसर्कलच्या एका सर्वेक्षणातून ही बाब समोर आली. या सर्व्हेमध्ये १० हजारांहून अधिक जणांना सीट बेल्टसंबंधी प्रश्न विचारण्यात आले होते.
कार कंपन्यांचा ‘तो’ दावा पूर्णपणे फसवा; नितीन गडकरींनी ९०० रुपयांचा हिशोब मांडला
सर्वेक्षणात सहभागी झालेल्या २६ टक्के जणांनी आपण मागील सीटवर बसल्यावर नेहमी सीट बेल्ट लावतो असं सांगितलं. तर ४ टक्के लोकांनी आपण मागील सीटवर बसून प्रवास करत नसल्याचं म्हटलं. आपण मागील सीटवर बसलो असताना कधीच सीटबेल्ट वापरत नाही, अशी माहिती देणाऱ्यांचं प्रमाण ७० टक्के होतं.
रस्ते अपघातांना जबाबदार कोण जबाबदार? नितीन गडकरी स्पष्टच बोलले
रविवारी दुपारच्या सुमारास अहमदाबाद-मुंबई हायवेवर पालघरमध्ये मिस्त्रींच्या कारला भीषण अपघात झाला. भरधाव कार दुभाजकाला धडकली. यामध्ये मिस्त्री आणि त्यांचा मित्र जहांगीर यांचा मृत्यू झाला. या दोघांनी सीट बेल्ट लावलेले नाहीत. त्यामुळे कारनं दुभाजकाला धडक देताच दोघेही पुढील सीटवर जाऊन आदळले. त्यांच्या डोक्याला गंभीर इजा झाली. त्यामुळे त्यांचा मृत्यू झाला. कारमध्ये पुढे बसलेले दोघे वाचले. त्यांनी सीट बेल्ट लावलेले होते.