दिल्ली : दिल्लीच्या अमली पदार्थ विरोधी शाखेचे आयुक्त ब्रीज पाल आणि त्यांचे पोलीस निरीक्षक दुष्यंत गौतम यांच्यावर भ्रष्टाचार प्रतिबंधक कायद्यान्वये गुन्हा दाखल करत कारवाई केली आहे. रेडिओवरच्या गाण्याच्या आवाजाने लाचेची रक्कम ठरवली. संवाद रेडिओवरच्या गाण्याच्या आवाजाच्या अनुषंगाने असला, तरी त्यात २० वरुन १० वर आलेले आणि नंतर १५ वर स्थिरावलेले आकडे हे लाचेची रक्कम ठरविणारे आहेत. पण ब्रीजपाल यांचे हे सारे संभाषण आता रेकॉर्ड झाले असून, ते सीबीआयच्या ताब्यात आहे. सहायक पोलीस आयुक्त आणि पोलीस निरीक्षक यांच्यावर सीबीआयने अटकेची कारवाई केली आहे.

या प्रकरणी सीबीआयमधील सूत्रांनी दिलेल्या माहितीनुसार, सध्या सहायक पोलीस आयुक्त असलेल्या ब्रीज पाल नावाच्या अधिकाऱ्यासाठी विनोद कुमार सप्रा नावाची व्यक्ती १० वर्षांपूर्वी खबऱ्याचे काम करायची. त्यावेळी अनेकवेळा ब्रीज पाल यांना त्याने माहिती दिली. पण काही कालावधीनंतर सप्राने माहिती देऊनही ब्रीज पाल यांनी त्याला पैसे देणे बंद केले. पैसे मिळत नाहीत म्हणून, सप्रानेही माहिती देणं बंद केले. याचा राग पाला यांच्या मनात होता. त्यानंतर, ज्यावेळी ब्रीज पाल यांचे पोस्टींग दिल्लीच्या अमली पदार्थ विरोधी पथकात झाले.

‘वर्षा’वर रंगला ‘स्नेह’भोजनाचा कार्यक्रम; मुख्यमंत्र्यांसोबत मंत्र्यांच्या दिलखुलास गप्पा

त्यानंतर, त्यांनी पुन्हा एकदा विनोद सप्राशी संपर्क साधला आणि त्याच्याकडे ५० लाख रुपयांची मागणी केली तसेच ही रक्कम न दिल्यास त्याच्या पत्नीला अमली पदार्थांसंबंधीत केसमध्ये अडकविण्याची धमकी दिली. तसेच हे पैसे मिळावे यासाठी ब्रिज पाल यांनी त्याच्याकडे काम करणाऱ्या दुष्यंत गौतम या पोलीस उपनिरीक्षकाला सप्रा याच्याकडून वसुली करण्यास सांगितले. त्यामुळे घाबरलेल्या सप्रा याने थेट सीबीआयच्या अधिकाऱ्यांशी संपर्क करत या सर्व प्रकाराची माहिती दिली.

सहायक पोलीस आयुक्तानेच असी मागितली लाच –

सहायक पोलीस आयुक्त साहेब : दुष्यंत रेडिओचा आवाज वाढव.

दुष्यंत : साहेब एवढा बास का?

साहेब : नाही, अजून थोडा वाढव. २० वर आवाज कर.

साहेब : ए बघ रे (सप्रा नावाच्या खबऱ्याला)

सप्रा : साहेब, हा आवाज खूप जास्त आहे. कमी करा.

साहेब : नाही कमी होणार.

सप्रा : साहेब आवाच कमी करा, त्रास होतोय.

साहेब : तु कर मग कमी, सप्राने तो आवाज १० वर केला.

साहेब : काहीच ऐकू येत नाही. दुष्यंत रेडिओचा आवाज १८ वर कर.

सप्रा : साहेब तरी पण खूप आहे आवाज.

दुष्यंत : मला माहिती आहे साहेबांना त्रास होणार नाही आणि तुलाही त्रास होणार नाही, मी आवाज कमी करतो. दुष्यंतने रेडिओचा आवाज १५ वर केला.

दुष्यंत : हा आवाज बरोबर आहे सप्रा.

त्यानंतर हे सर्व रेकॉर्डिंग सीबीआयच्या अधिकाऱ्यांनी सप्रा याच्या हाताला शर्टाच्या मधल्या बाजूला सेलोटेपेन डिजिटल रेकॉर्डर चिकटवला होता त्यात रेकॉर्ड झाले. सीबीआयच्या अधिकाऱ्यांनी सापळा रचला आणि दुष्यंत कुमार यांनी सप्रासोबत केलेल्या सर्व संभाषणाचे रेकॉर्डिंग केले. दुष्यंत कुमार यांनी सप्राला वसुलीसाठी २० पेक्षा जास्त कॉल केले. ते सर्व संभाषण आता सीबीआयच्या ताब्यात आहे. हा सर्व पुरावा हाती आल्यानंतर सीबीआयने ब्रीज पाल आणि दुष्यंत कुमार यांच्यावर भ्रष्टाचार प्रतिबंधक कायद्यान्वये गुन्हा दाखल करत कारवाई केली आहे.

शिवसेनेचा निकाल, काँग्रेसची यात्रा ते राज्यातला पावसाचा अंदाज, तुमच्यासाठी महत्त्वाच्या टॉप ५ बातम्या

LEAVE A REPLY

Please enter your comment!
Please enter your name here