जालना: जालन्यातील किरण लोखंडे या वकिलाचा गॅस स्फोटात जळून मृत्यू झाल्याची घटना घडली होती. पोलीस आणि वकील मंडळींना या प्रकरणात घातपाताची शक्यता वाटत होती. ती खरी ठरली असून त्यांच्या पत्नीसह एकाला आज सकाळी पोलिसांनी अटक केली आहे.

जालना शहरातील अंबड रोडवरील अर्चनानगरमध्ये ३० ऑगस्टला गॅसचा स्फोट झाला. त्यामध्ये किरण लोखंडे यांचा मृत्यू होता. पेशानं वकील असलेल्या किरण यांचा विवाह ३ महिन्यांपूर्वीच झाला होता. या घटनेने शहरात एकच खळबळ उडाली होती.
माझी आई गेली हो! मुलानं शेजारच्यांना सांगण्यास सुरुवात केली; तपासात वेगळीच माहिती उघड झाली
घटनास्थळी किरण यांचा राख झालेला मृतदेह आढळून आला. दोन्ही सिलिंडर पडलेले दिसून आले. तसेच आजूबाजूच्या वस्तूची पाहणी करता त्या सुस्थितीत असल्याचं दिसलं. त्यामुळे पोलिसांचा संशय बळावला होता. आता या प्रकरणात आठ दिवसानंतर तालुका पोलिसांनी किरण यांची पत्नी मनीषा लोखंडेला अचक केली आहे.

मनीषा लोखंडेने किरण यांचा खून करून पुरावा नष्ट करण्याच्या उद्देशाने मृत्यूदेह जाळण्यासाठी गॅसचा स्फोट झाल्याचा बनाव रचला. या प्रकरणी पोलिसांनी मनिषासह एकाला अटक केल्याची माहिती उप पोलीस अधीक्षक नीरज राजगुरू यांनी दिली आहे. या खुनामागचं कारण मात्र समोर आलेलं नाही.

LEAVE A REPLY

Please enter your comment!
Please enter your name here