दीर्घकाळ वाढ करण्याची मागणी
अनेक अहवालांनुसार दसऱ्यापूर्वी सरकार डीएसोबत फिटमेंट फॅक्टर वाढवण्याची घोषणा करून केंद्रीय कर्मचाऱ्यांना दिवाळी भेट देऊ शकते. असे झाल्याचा कर्मचाऱ्यांसाठी हा दुहेरी आनंद ठरेल. केंद्र सरकारचे कर्मचारी या घटकामध्ये वाढ करण्याची मागणी अनेक दिवसांपासून करत आहेत. सध्या तो २.५७ टक्के आहे, तसेच तो वाढवून ३.६८ टक्के इतका वाढवण्याचा प्रयत्न केला जात आहे. असे झाल्यास कर्मचाऱ्यांचे किमान मूळ वेतन थेट १८,००० रुपयांवरून २६,००० रुपयांपर्यंत वाढेल.
पेन्शनधारकांनो लक्ष द्या! तुमच्या मासिक पेन्शनमध्ये DR ची रक्कम कशी तपासायची जाणून घ्या
DA सह फिटमेंट फॅक्टरमध्ये वाढ शक्य
नवीन आर्थिक वर्ष सुरू होण्यापूर्वी केंद्रीय कर्मचाऱ्यांच्या फिटमेंट फॅक्टरमध्ये वाढ होण्याची अपेक्षा होती, मात्र तसे झाले नाही. पण आता पुन्हा एकदा दिवाळी किंवा दसऱ्यापूर्वी महागाई भत्ता वाढल्याने फिटमेंट फॅक्टर वाढण्याची आशाही निर्माण झाली आहे. मात्र, अशा चर्चेबाबत केंद्र सरकारकडून अद्याप कोणतेही अधिकृत निवेदन जारी करण्यात आलेले नाही.
केंद्रीय कर्मचाऱ्यांसाठी आनंदाची बातमी, दसऱ्यापूर्वी DA बाबत सरकार घोषणा करण्याच्या तयारीत
फिटमेंट फॅक्टर म्हणजे काय?
फिटमेंट फॅक्टर सर्व केंद्रीय सरकारी कर्मचार्‍यांचा मूळ पगार ठरवतो. सोप्प्या शब्दांत बोलायचे तर कर्मचार्‍यांना मिळणाऱ्या पगारामध्ये हा घटक सर्वात महत्त्वाची भूमिका बजावतो. यामुळे केंद्रीय कर्मचाऱ्यांच्या पगारात मोठी वाढ होत आहे, याचा अंदाज यावरून लावता येतो. शेवटच्या वेळी २०१६ मध्ये फिटमेंट फॅक्टर वाढवण्यात आला होता. त्याच वर्षी सातवा वेतन आयोग लागू करण्यात आला.
मीडिया रिपोर्ट्सनुसार या महागाईच्या युगात सरकार कर्मचाऱ्यांना दुहेरी आनंद देऊ शकते. यासाठी डीए वाढवण्याबरोबरच फिटमेंट फॅक्टरमध्ये वाढ करण्यावर गांभीर्याने विचार केला जात आहे. उल्लेखनीय म्हणजे जेव्हा फिटमेंट फॅक्टर २.५७ टक्क्यांपर्यंत वाढवण्यात आले होते, तेव्हा प्रवेश-स्तरीय मूलभूत वेतन ७००० रुपये प्रति महिना वरून थेट १८००० रुपये प्रति महिना करण्यात आले होते.
केंद्रीय कर्मचाऱ्यांसाठी मोठी बातमी, पागारवाढीसाठी सरकारचा कॉर्पोरेट फॉर्म्युला
डीएमध्ये ४% वाढ शक्य
केंद्रीय कर्मचार्‍यांच्या डीएमधील महागाई लक्षात घेता लवकरच महागाई भत्ता वाढीचा निर्णय घेतला जाऊ शकतो. सरकारने मार्च २०२२ मध्ये केंद्रीय कर्मचाऱ्यांच्या डीएमध्ये शेवटची वाढ केली होती. त्यावेळी कर्मचाऱ्यांच्या महागाई भत्त्यात ३ टक्के वाढ करण्यात आली. त्यामुळे डीए ३१ टक्क्यांवरून ३४ टक्के करण्यात आला. आणि आता त्यामध्ये ४ टक्क्यांनी वाढ होण्याची शक्यता आहे.
