bangalore flood, तीच कुटुंबाचा एकमेव आधार होती! पुरात विजेच्या धक्क्यानं लेक गमावलेल्या बापाचा आक्रोश – bengaluru electrocution death for no mistake of hers we lost our daughter says victims father

अखिला आमच्या कुटुंबाचा एकमेव आधार होती. आमच्या कुटुंबातील तीच एक कमावती होती. ती आता आमच्यात नाही यावर विश्वास ठेवणं अवघड जात असल्याचं म्हणत अखिलाचे वडील सोमाशेखर यांनी आक्रोश केला. बीकॉम झालेली अखिला सोमवारी रात्री साडे नऊच्या सुमारास दुचाकीवरून घरी परतत होती. त्यावेळी तिची दुचाकी वार्थूर कोडी आणि कुंडालाहल्ली दरम्यान बंद पडली.
आधी सहकाऱ्यांना अभिनंदनाचा मेसेज; मग पोलिसाची पत्नी, लेकीसोबत बाराव्या मजल्यावरून उडी
पुराच्या पाण्यातून वाट काढत असताना दुचाकी बंद पडल्यानं अखिलाचा तोल गेला. ती पाण्यात पडली. अखिलाच्या बाजूलाच दुभाजक होता. त्यावर असलेल्या होल्डिंगचा आधार घेऊन अखिलानं उठण्याचा प्रयत्न केला. मात्र तिला विजेचा धक्का बसला. त्यावेळी अखिलासोबत तिचा सहकारी सुब्रमण्यम होता. त्यानं तिला रुग्णालयात दाखल केलं. मात्र पुरातून वाट काढत रुग्णालय गाठेपर्यंत बराच वेळ गेला. यावेळी आसपास असलेल्या कोणत्याच वाटसरूनं त्यांना मदत केली नाही.
कीटकनाशक प्यायले अन् मंदिरात जाऊन बसले; मेडिकल व्यावसायिकाच्या आत्महत्येनं खळबळ
सुब्रमण्यमचा फोन आल्यानंतर आम्ही लगेचच रुग्णालय गाठलं. मात्र आमची लेक आम्हाला सोडून गेली होती, अशा शब्दांत अखिलाची आई पद्मानं भावना व्यक्त केल्या. या प्रकरणी सोमशेखर यांनी बृहत बंगळुरू महानगरा पालिका आणि वीज पुरवठादारा कंपनीविरोधात तक्रार दाखल केली आहे. पालिका आणि कंपनीच्या हलगर्जीपणामुळेच आम्हाला आमची मुलगी गमवावी लागली, असा आरोप सोमशेखर यांनी केला.