car fell in lake, कार मागे घेताना थेट तलावात; बाहेर पडण्यासाठी तरुणाचा प्रयत्न, पोहता येत नसल्यानं करुण अंत – in hingoli car fell in lake while taking reverse youth died

औंढा नागनाथ तालुक्यातील निशाणा येथे चक्रधर सावळेचे औंढा नागनाथ येथे मंदिराच्या पूर्वेला टेन्ट हाऊसचे दुकान आहे. बुधवारी रात्री तीनच्या सुमारास चक्रधर बाहेरगावाहून दुकानात आला. त्यावेळी कार रिव्हर्स घेत असताना त्याचे कारवरील नियंत्रण सुटले आणि कार थेट गयातिर्थ तलावात बुडाली. चक्रधर यांनी कारमधून बाहेर पडून पाण्याबाहेर येण्याचा प्रयत्न केला. मात्र त्यांना पोहता येत नसल्याने त्यांचा पाण्यात बुडून मृत्यू झाला.
कीटकनाशक प्यायले अन् मंदिरात जाऊन बसले; मेडिकल व्यावसायिकाच्या आत्महत्येनं खळबळ
बुधवारी पहाटे औढा येथे आलेले चक्रधर गावी आलेच नसल्याने त्यांच्या कुटुंबियांनी त्यांचा शोध सुरु केला. तसेच ते बेपत्ता असल्याची माहितीही पोलिसांना देण्यात आली. पोलिसांनीही त्यांचा शोध सुरू केला. त्यानंतर पोलिसांनी सीसीटीव्ही फुटेजची पाहणी केली असता कार तलावात पडल्याचे आढळून आले. पोलिस निरीक्षक विश्‍वनाथ झुंजारे,उपनिरीक्षक मुंजाजी वाघमारे,जमादार संदीप टाक, इम्रान पठाण यांचे पथक रात्री घटनास्थळी पोहोचले.
तीच कुटुंबाचा एकमेव आधार होती! पुरात विजेच्या धक्क्यानं लेक गमावलेल्या बापाचा आक्रोश
पोलिसांनी क्रेनच्या मदतीने कार बाहेर काढली. मात्र त्यात चक्रधर यांचा मृतदेह नव्हता. त्यामुळे तलावात शोध मोहीम सुरु केली असता चक्रधर यांचा मृतदेह आढळून आला. त्यानंतर आज सकाळी औंढा नागनाथ येथील ग्रामीण रुग्णालयात चक्रधर यांच्या मृतदेहावर उत्तरीय तपासणी करण्यात आली आहे. या प्रकरणात औंढा नागनाथ पोलीस ठाण्यात नोंद झालेली नाही.