Sharad Pawar : शरद पवार नितीशकुमार यांची भेट, देशाच्या राजकारणाला कलाटणी मिळणार?
महाराष्ट्रासह पंजाब आणि बिहारमध्ये फटका बसेल असं भाजप नेतृत्त्वाला वाटतं. त्यामुळे भाजपनं मिशन ७२ ला प्रारंभ केला आहे. गेल्या निवडणुकीत भाजप ७२ मतदारसंघात दुसऱ्या क्रमांकावर होता. याच ७२ जागांवर आता भाजपनं जोर लावला आहे. यातील बहुतांश जागा भाजपनं थोड्या फरकानं गमावल्या होत्या.
मिशन ७२ संदर्भात भाजपचे अध्यक्ष जे. पी. नड्डा यांनी केंद्रीय मंत्र्यांची बैठक घेतली. या मिशनवर २५ केंद्रीय मंत्री काम करणार आहेत. एकेका मंत्र्याला त्यांच्या राज्यातील २ ते ५ जागांची जबाबदारी देण्यात आली आहे. २०१९ मध्ये भाजप एकूण १४४ मतदारसंघात दुसऱ्या आणि तिसऱ्या स्थानी होता. पहिल्या टप्प्यात भाजपनं ७२ जागांवर लक्ष केंद्रीत केलं आहे. केंद्रीय मंत्री या लोकसभा मतदारसंघांमध्ये जाऊन १ ते २ दिवस आढावा घेतील. स्थानिक नेत्यांशी बोलून रणनीती ठरवतील.
चार मुख्यमंत्र्यांच्या कारमध्ये सीटबेल्टचा तो जुगाड; गडकरींनी सांगितला धक्कादायक प्रकार
महाराष्ट्र, बिहार आणि पंजाबमध्ये नुकसान होऊ शकतं असा भाजप नेत्यांचा अंदाज आहे. त्याची भरपाई मिशन ७२ मधून केली जाईल. या ७२ जागा विविध राज्यांमध्ये आहेत. मोदी सरकार २०१४ पासून सत्तेत आहे. सत्ताविरोधी वातावरणाचा परिणाम भाजपचे खासदार असलेल्या मतदारसंघात पाहायला मिळू शकतो. त्यामुळे संभाव्य नुकसान टाळण्यासाठी भाजपनं आतापासूनच तयारी सुरू केली आहे.
