Parbhani News : परभणीच्या पूर्णा तालुक्यातील वझुर येथे एका युवकाने रागाच्या भरात शेतामध्ये लिंबाच्या झाडाला गळफास लावून आत्महत्या केल्याची घटना बुधवार ७ सप्टेंबर रोजी घडली आहे. आकाश माधव टाले असे आत्महत्या केलेल्या युवकाचे नाव आहे.
हायलाइट्स:
- रागाच्या भरात युवकाने केली आत्महत्या
- समाज माध्यमावर स्टेटस ठेवून केली आत्महत्या
- परभणीतल्या पूर्णा तालुक्यातील घटना
पूर्णा तालुक्यातील वझुर येथील आकाश माधव टोले हा युवक आपल्या कुटुंबासह वास्तव्यास होता. आकाश रात्री शेतामध्ये झोपण्यासाठी जात होता. यावेळी अंधार असल्यामुळे आकाशच्या आईने शेतामध्ये झोपण्यासाठी जाऊ नकोस जर गेलास तर शेतातच झोप घरी येऊ नको असे म्हणाली. या गोष्टीचा राग आल्याने आकाशने समाज माध्यमावर स्टेटस ठेवून आपल्या भावना व्यक्त करत रात्री एक ते दीड वाजण्याच्या सुमारास शेतातील लिंबाच्या झाडाला गळफास लावून आत्महत्या केली.
लव जिहाद प्रकरण; अमरावतीमधील बेपत्ता मुलीचा शोध लागला, आज अमरावतीत आणणार
सकाळी आकाश घरी परतला नसल्यामुळे त्याच्या आईने शेतामध्ये जाऊन पाहणी केल्यानंतर आकाश हा लिंबाच्या झाडाला लटकत असल्याचे त्याच्या आईला दिसून आले. त्यानंतर याची माहिती नातेवाईकांना देण्यात आली. घटनेची माहिती मिळताच गंगाखेड पोलीस ठाण्याचे पोलीस कर्मचारी त्र्यंबक शिंदे यांनी वझुर येथे भेट देऊन पंचनामा केला आहे. याप्रकरणी गंगाखेड पोलिस ठाण्यामध्ये अकस्मात मृत्यूची नोंद करण्यात आली आहे. घटनेचा अधिक तपास पोलीस करत आहेत. या घटनेमुळे वझुर गावामध्ये हळहळ व्यक्त केली जात आहे.
अकोला विधानपरिषदेसाठी भाजपचा उमेदवार जाहीर, नड्डांच्या होकारानंतर वर्षभर आधीच घोषणा
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
