cyrus mistry car accident, कसा झाला मिस्त्रींच्या कारला अपघात? नेमकं काय घडलं? मर्सिडीजनं अहवालातून सर्वच सांगितलं – cyrus mistry accident case mercedes benz and rto department submitted their primary report

सायरस मिस्त्रींच्या कारचा अपघात होण्यापूर्वी तिचा वेग किती होता, ब्रेक दाबण्यात आले आणि अपघात झाला त्यावेळी कारचा वेग किती होता, अशा महत्त्वाच्या बाबींची माहिती पालघर पोलिसांना दिलेल्या अहवालात आहे. कार १०० किलोमीटर प्रतितास वेगानं धावत होती. अपघाताच्या ५ सेकंदांपूर्वी अनाहिता पंडोळे यांनी ब्रेक दाबले. त्यामुळे कारचा वेग ८९ किमी प्रतितासवरून ११ किमी प्रतितासवर आला. याच वेगात असताना कारला अपघात झाला, अशी माहिती मर्सिडीज कंपनीनं दिलेल्या अहवालात आहे.
मिस्त्रींच्या कारला कशामुळे अपघात झाला? फॉरेन्सिक टीमच्या तपासातून नेमकं कारण उघडकीस
अनाहिता यांनी १०० किमी प्रतितास वेगात कार असताना ब्रेक दाबला. त्याआधीही त्यांनी ब्रेक दाबला होता का आणि दाबला असल्यास किती वेळा दाबला? असा प्रश्न पालघर पोलिसांनी मर्सिडीज कंपनीला विचारला. याबद्दलच्या अधिकच्या माहितीसाठी कंपनी कारला १२ सप्टेंबरला आपल्या शोरूममध्ये नेईल. तिथे हाँगकाँगहून कंपनीची एक टीम येईल. ती कारचं निरीक्षण करेल. यानंतर सविस्तर अहवाल देण्यात येईल. हाँगकाँगहून येणाऱ्या टीमनं भारताच्या व्हिसासाठी अर्ज केला आहे. मात्र ४८ तासांत व्हिसा न मिळाल्यास भारतात असलेली मर्सिडीज कंपनीची टीमच कारचं निरीक्षण करेल.
काही तास अगोदर अग्यारीत प्रार्थना, चंदनही विकत घेतलं, सायरस मिस्त्रींनी मृत्यूआधीच्या ८ तासांत काय काय केलं?
कारला अपघात झाला त्यावेळी चार एअरबॅग्स उघडल्या होत्या, असं वाहतूक विभागानं अहवालात नमूद केलं आहे. कारमधील एकूण ४ बॅग्स उघडल्या. यापैकी ३ एअरबॅग्स चालकाच्या समोर आणि एक डोक्याजवळ उघडली. तर एक एअरबॅग चालकाच्या शेजारच्या सीटसमोर उघडली.