husband kills wife, बचत गटवाल्यांमुळे बायकोची आत्महत्या! पतीची पोलिसांना माहिती, मेहुण्याला शंका आली अन्… – husband kills wife and posted it as suicide police arrest suicide

धुळे जिल्ह्यातील शिंदखेडा तालुक्यातील वारूळ येथे माहेर असलेल्या योगिता चौधरी यांचा विवाह अमळनेर येथील देविदास उर्फ सूर्यकांत चौधरी याच्याशी झाला होता. बचत गटवाले कर्जाचे पैसे मागणीसाठी तगादा लावत होते. त्यामुळे पत्नी योगिताने गळफास घेऊन आत्महत्या केल्याचा बनाव पती देविदासने रचला. योगिताने आत्महत्या केल्याची माहिती त्याने स्वत:च पोलिसांना दिली. पण मयत विवाहितेचे भाऊ दिनेश आत्माराम चौधरी व इतरांनी प्रत्यक्ष पाहिले असता योगिताच्या गळ्यावर सर्व बाजूने दोरी आवळल्याचे व्रण होते. तसेच गळ्यावर ओरखडल्याच्या खुणा होत्या आणि तिच्या नाकातून देखील रक्तबाहेर आलेले होते.
कीटकनाशक प्यायले अन् मंदिरात जाऊन बसले; मेडिकल व्यावसायिकाच्या आत्महत्येनं खळबळ
धक्कादायक बाब म्हणजे वर छताला कुठेच दोरी लटकलेली अथवा तुटलेली दिसली नाही. योगिताने गळफास घेतला. त्यानंतर ती जमिनीवर पडली, असे सूर्यकांतने सांगितले होते. मात्र वरून पडल्याने लागलेल्या काहीच जखमा अथवा चिन्हे दिसली नाहीत. त्यामुळे योगिताचा खून झाल्याची खात्री तिचा भाऊ दिनेशला झाल्याने त्याने रात्री उशिरा अमळनेर पोलीस स्टेशनला दिलेल्या तक्रारीनुसार पती सूर्यकांत विरुद्ध खुनाचा गुन्हा दाखल करण्यात आला.
पत्नी गेली माहेरी, रात्री पतीच्या नातेवाईकांसोबत गप्पा; घरी जाऊन मध्यरात्री आत्महत्या
पतीचा गैरसमज दूर करण्यासाठी आली अन् पतीने तिलाच संपवले
देविदास उर्फ सूर्यकांत याला दारूचे व्यसन असून तो मजुरी करतो. मुलबाळ नसल्याने तो पत्नीच्या चारित्र्यावर संशय घेऊन तिला मारहाण करत होता. दोन-तीन दिवसांपूर्वी योगिता सूरत येथे मामाच्या घरी गेली असताना पतीने नातेवाईकांकडे तिची बदनामी सुरू केली. गैरसमज दूर करण्यासाठी योगिता पुन्हा पतीकडे परत आली होती. पोलिसांच्या चौकशीतही मयत योगीचा खून झाल्याचे समोर आल्यानंतर पोलिसांनी तिचा पती सुर्यकांत यास पहाटे अटक केली.