aaditya thackeray, गणरायाच्या विसर्जनाला राजकीय मतभेद विसरले, चंद्रकांतदादा आणि आदित्य ठाकरेंनी एकत्र पालखी उचलली – shiv sena aaditya thackeray and bjp chandrakant patil at pune ganesh visarjan

पुण्यातील मानाचा पहिला कसबा गणपतीची विसर्जन मिरवणूक शुक्रवारी सकाळी निघाली. त्याठिकाणी चंद्रकांत पाटील उपस्थित होते. तेव्हाच आदित्य ठाकरेही याठिकाणी पोहोचले. हे दोन्ही नेते समोरासमोर आल्यावर काय होणार, याची उत्सुकता सर्वांना लागली होती. तेव्हा चंद्रकांत पाटील यांनी आदित्य ठाकरे यांना पाहून त्यांच्याशी दिलखुलासपणे संवाद साधला. चंद्रकांतदादांनी आदित्य यांना गणपतीचे दर्शन घेऊन येण्यास सांगितले. त्यानंतर आदित्य ठाकरे दर्शन घेऊन आले तेव्हा पालखी मार्गस्थ होण्याच्या मार्गावर होती. चंद्रकांत पाटील आणि इतर जण आदित्य ठाकरेंची वाट पाहत थांबले होते. आदित्य ठाकरे येताच विसर्जनाला सुरुवात झाली. त्यावेळी चंद्रकांत पाटील आणि आदित्य ठाकरे यांनी एकत्रच कसबा गणपतीची पालखी खांद्यावर घेतली. महाराष्ट्राच्या सुसंस्कृत राजकारणाच्यादृष्टीने हे चित्र नक्कीच सुखावणारे होते.
विसर्जन न होता, पेटीत जाणार ‘हा’ गणपती; नवसाला पावणाऱ्या बाप्पाची संतान गणपती म्हणून ख्याती

आदित्य ठाकरेंभोवती तरुणींचा गराडा

युवासेनाप्रमुख आदित्य ठाकरे यांनी शुक्रवारी दगडुशेठ हलवाई, कसबा गणपती आणि पुण्यातील इतर गणेश मंडळांना भेट दिली. आदित्य ठाकरे गणपती विसर्जनासाठी पुण्यामध्ये दाखल झाले. त्यावेळी तरुणींचा गराडा त्यांच्याभोवती पडला होता. अनेकजण आदित्य ठाकरे यांच्यासोबत फोटो घेण्यासाठी प्रयत्न करत होते. जमलेल्या तरुणी ‘आदित्य आदित्य’ म्हणत जल्लोष करत होत्या.