विराट कोहलीने दोन व्यक्तींना समर्पित केलं पहिलं शतक, म्हणाला ‘ मला धक्का बसला अन् वाटलं…’
गेल्या काही महिन्यांपासून फिंचची बॅट शांत आहे. यावर्षी झालेल्या १३ एकदिवसीय सामन्यांत त्याला केवळ १३ च्या सरासरीनं धावा करता आल्या आहेत. ५ वेळा तो शून्यावर बाद झाला आहे. न्यूझीलंडविरुद्धच्या दुसऱ्या एकदिवसीय सामन्यातही त्याला भोपळा फोडता आला नाही. त्यामुळे फिंचच्या नावावर नकोसा विक्रम जमा झाला आहे. एका कॅलेंडर वर्षांत सर्वाधिक वेळा शून्यावर बाद होणारा ऑस्ट्रेलियन कर्णधार म्हणून फिंचची नोंद इतिहासात होईल.
आतापर्यंत फिंच १४५ एकदिवसीय सामने खेळला आहे. त्यात त्यानं १७ शतकं आणि ३० अर्धशतकं झळकावली आहेत. ३९ च्या सरासरीनं त्याच्या नावावर ५ हजार ४०१ धावा जमा आहेत. टी-२० मध्ये त्याच्या नावावर २ शतकं आणि १७ अर्धशतकं आहेत. टी-२० मध्ये त्यानं २ हजार ८५५ धावा केल्या आहेत. आयपीएलमध्ये फिंच एकूण ९२ सामने खेळला असून त्यात त्यानं २ हजार ९१ धावा केल्या आहेत. त्यानं १५ अर्धशतकं साजरी केली आहेत.
