पुण्यातील मानाच्या पाचही गणपतींचं रात्री विसर्जन झालेलं असलं तरी गेल्या २२ तासांपासून श्रीमंत दगडूशेठ गणपतीची विसर्जन मिरवणूक सुरू आहे. जवळपास १४ तास डीजे वाजल्यानंतर रात्री १२ च्या ठोक्याला बरोबर डीजे बंद करण्याचे आदेश असल्याने बेभान होऊन थिरकणाऱ्या तरुणांचा हिरमोड झाला. पण तरुणाईने लय कायम राखत ढोल ताशांवरही नाच केला. विसर्जन मिरवणूक पुढे सरकत होती, तसतसा तरुणाईचा उत्साह देखील वाढत होता. आज सकाळी ६ चा ठोका पडताच सार्वजनिक मिरवणुकीतील डॉल्बीचा दणदणाट पुन्हा सुरु झाल्याने तरुणांमध्ये पुन्हा उत्साह संचारला.
हायलाइट्स:
- राज्यभरात गणरायाला भावपूर्ण वातावरणात निरोप
- मुंबई पुण्यात अजूनही विसर्जन मिरवणुका सुरुच
- मनसे नेते वसंत मोरे यांचा विसर्जन मिरवणुकीत भन्नाट डान्स
पुण्यातील मानाच्या पाचही गणपतींचं रात्री विसर्जन झालेलं असलं तरी गेल्या २२ तासांपासून श्रीमंत दगडूशेठ गणपतीची विसर्जन मिरवणूक सुरू आहे. जवळपास १४ तास डीजे वाजल्यानंतर रात्री १२ च्या ठोक्याला बरोबर डीजे बंद करण्याचे आदेश असल्याने बेभान होऊन थिरकणाऱ्या तरुणांचा हिरमोड झाला. पण तरुणाईने लय कायम राखत ढोल ताशांवरही नाच केला. विसर्जन मिरवणूक पुढे सरकत होती, तसतसा तरुणाईचा उत्साह देखील वाढत होता. आज सकाळी ६ चा ठोका पडताच सार्वजनिक मिरवणुकीतील डॉल्बीचा दणदणाट पुन्हा सुरु झाल्याने तरुणांमध्ये पुन्हा उत्साह संचारला. अलका टॉकीज चौकात हजारो गणेश भक्तांनी डॉल्बीवर ठेका धरला.
दरम्यान, मनसेचे नेते वसंत मोरे यांनी गणेश विसर्जन मिरवणुकीत सहभाग नोंदवून गणेश भक्तांच्या साथीने त्यांच्या सुरात सूर मिसळून भन्नाट डान्स केला. पारंपारिक वाद्यांवर ते थिरकलेच पण उडत्या चालीच्या गाण्यांवरही त्यांनी मनमुराद नृत्याचा आनंद लुटला. आपल्या मोकळ्या-ढाकळ्या स्वभावासाठी आणि रोखठोक वागण्यासाठी प्रसिद्ध असलेल्या तात्यांच्या डान्सचा अंदाज सगळ्यांनाच भावला. कालच्या मिरवणुकीतल्या डान्सचे व्हिडीओ वसंत मोरे यांनी आपल्या सोशल मीडियावर शेअर केलेत.
गिरगाव चौपाटीवरील गणेश विसर्जन मिरवणुकींवर पुष्पवृष्टी
येथील गिरगाव चौपाटीवर अनंत चतुर्दशीनिमित्त गणेश मूर्तींच्या विसर्जनासाठी आलेले भाविक आणि सार्वजनिक गणेशोत्सव मंडळाच्या मिरवणुकींवर राज्यपाल भगतसिंह कोश्यारी, मुख्यमंत्री एकनाथ शिंदे, उपमुख्यमंत्री देवेंद्र फडणवीस यांनी आज पुष्पवृष्टी करत अभिवादन केले. “गणपती बाप्पा मोरया, पुढच्या वर्षी लवकर…” अशा घोषणांनी गिरगाव चौपाटीचा परिसर दुमदुमून गेला. कोरोनाच्या सावटानंतर यावर्षी गणेशोत्सव निर्बंधमुक्त वातावरणात साजरा झाला. गणरायाला निरोप देण्यासाठी गिरगाव चौपाटीवर जमलेल्या भाविकांच्या जनसागराला अभिवादन करण्यासाठी राज्यपाल भगतसिंह कोश्यारी, मुख्यमंत्री एकनाथ शिंदे आणि उपमुख्यमंत्री एकनाथ शिंदे यांनी हजेरी लावली होती.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
