boy killed after kidnaping in pimpari: मासुळकर कॉलनीतील सोसायटीच्या पार्किंगमध्ये खेळत असलेल्या सात वर्षे वयाच्या मुलाचे अपहरण करून खून झाल्याची घटना पिंपरी परिसरातून समोर आली आहे. एका बांधकाम व्यावसायिकाचा हा मुलगा असून शुक्रवारी रात्री उशिरा ही घटना उघडकीस आली आहे.

गुरुवारी सायंकाळी आदित्य हा बाहेर खेळायला जातो असे सांगून घराबाहेर पडला होता. त्यानंतर बराच वेळ झाला तरी तो घरी न परतल्याने असे वडिलांनी त्याचा शोध सुरू केला. तो न सापडल्याने वडिलांनी पिंपरी पोलिसांत तक्रार दाखल केली. पोलिसांनी तपासाची सूत्रे हलवत तक्रारीनुसार दोन संशियताना ताब्यात घेतले. या प्रकरणाचा पोलीस कसून तपास करत आहेत.
बांधकाम व्यावसायिकाकडे २० कोटींची खंडणी मागितली होती. ती न दिल्यानेच मुलाचा अपहरण करून खून करण्यात आल्याची माहिती पोलिसांकडून देण्यात आली आहे. पैशांसाठी आदित्यचा खून करण्यात आला आहे. संशयित आणि बांधकाम व्यावसायिक एकाच सोसायटीत रहात असल्याची माहिती समोर येत आहे. ताब्यात घेण्यात आलेल्या आरोपीची चौकशी सुरू आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.