नवी दिल्ली : सोन्याने या वर्षात आतापर्यंत इक्विटी आणि बाँड्सच्या तुलनेत गुंतवणूकदारांना चांगला परतावा दिला आहे. जानेवारी ते ऑगस्ट दरम्यान MCX गोल्डने ५.५ टक्के परतावा दिला आहे, तर मिडकॅपने ३.४ टक्के, निफ्टीने २.३ टक्के आणि क्रिसिल बाँड निर्देशांकाने १.१ टक्के परतावा दिला आहे.

२०२० मध्येही करोना संसर्गाने प्रभावित झालेल्या सोन्याने अव्वल कामगिरी केली होती. त्यानंतर सोन्याने आपल्या गुंतवणूकदारांना २८ टक्के परतावा दिला, पण गेल्या वर्षी त्याने चार टक्के नकारात्मक परतावा दिला. गेल्या वर्षी स्मॉलकॅप्सनी ५९ टक्के तर मिडकॅप्सनी ४६ टक्के परतावा दिला होता.

गोल्ड हॉलमार्किंग काय आहे? सोने खरेदी करताना का तपासावे, घरातील सोन्यावर याचा काय परिणाम
अॅक्सिस सिक्युरिटीजच्या अहवालात असे म्हटले की, मालमत्ता वर्ग म्हणून सोन्याला शेअर बाजारातील अस्थिरतेचा फायदा झाला आहे. राजकीय कारणे, महागाई, तेल आणि वस्तूंच्या वाढत्या किमती यामुळे २४ फेब्रुवारीपासून शेअर बाजारात चढ-उताराचे सत्र सुरू आहे. यामुळे मालमत्ता वर्ग म्हणून इक्विटीची कामगिरी मर्यादित झाली आहे. तसेच चलनवाढ रोखण्यासाठी अमेरिकेच्या फेड रिझर्व्ह आक्रमकपणे व्याजदर वाढवत आहे, त्यामुळे गुंतवणूकदार सोन्याकडे वळू लागले आहेत.

भेटवस्तू म्हणून सोनं मिळालंय? तुम्हाला येऊ शकते प्राप्तिकराची नोटीस, जाणून घ्या काय आहे नियम
रशिया-युक्रेन यांच्यातील अनिश्चितता जोपर्यंत संपत नाही तोपर्यंत सोने हा गुंतवणूकदारांचा पसंतीचा पर्याय राहील असे तज्ज्ञांचे म्हणणे आहे. मे महिन्यापासून देशांतर्गत बाजारात सोने मजबूत होत आहे. त्याला ४९,५०० रुपये प्रति १० ग्रॅमचा आधार मिळाला आहे तर तो ५२,७०० रुपयांच्या पातळीवर गेला आहे.

Sovereign Gold Bond मध्ये गुंतवणूक करता, मग जाणून घ्या त्यावर किती कर आकारला जातो
गुंतवणूकदारांनी काय करावे
सणासुदीच्या काळात सोन्याची पुन्हा एकदा मागणी वाढण्याची अपेक्षा आहे. अशा परिस्थितीत व्यापारी घसरलेल्या भावावर खरेदी करू शकतात. कमी उत्पन्न हे सोन्याच्या किमती वाढण्याचे कारण आहे. सोन्याकडे चलनवाढीविरुद्ध मालमत्ता म्हणूनही पाहिले जाते. आर्थिक अनिश्चिततेची परिस्थिती पाहता सोन्याच्या किमतीत वाढ होऊ शकते. परंतु ही स्थिती मर्यादित राहू शकते कारण जगभरातील केंद्रीय बँका महागाई रोखण्यासाठी व्याजदर वाढवत आहेत.

घरगुती बाजारात सोन्याची स्थिती
शुक्रवारी सोन्याचा भाव ६२ रुपयांनी वाढून ५१,१३१ रुपये प्रति १० ग्रॅम झाला आहे. त्याचवेळी चांदीचा भाव ५७९ रुपयांनी वाढून ५५,५४० रुपयांवर पोहोचला आहे. तसेच गुरुवारी सोन्याचा दर ५१,०६९ रुपये प्रति १० ग्रॅम होता.

LEAVE A REPLY

Please enter your comment!
Please enter your name here