नागोठणे (रायगड) : कोकणात रायगड जिल्हयात नागोठणेजवळ असलेल्या भिसे खिंडीत ट्रक व मोटारसायकलच्या भीषण अपघतातात मोटारसायकलस्वाराचा जागीच मृत्यू झाला आहे. रविवार ११ सप्टेंबर रोजी दुपारच्या सुमारास हा भीषण अपघात झाला आहे. कोळशाने भरलेल्या ट्रकने मोटारसायकलला धडक दिल्याने मोटारसायकल स्वार व ट्रक खिंडीत खाली कोसळला. या भीषण ट्रक खाली कोसळला. या अपघातात रोहा चांडगाव येथील धर्मा नारायण शिगवण (वय ६२) या दुचाकीस्वाराचा मृत्यू झाला आहे. तर, ट्रकचालक प्रशांत तात्यासाहेब कोल्हटकर (वय २३, राहणार- कर्जत, जिल्हा अहमदनगर) हा गंभीर जखमी झाला आहे. (A biker lost his life in a horrific accident involving a truck and a bike near Nagothany in Raigad district)

नागोठणे-रोहा शहरांना जोडणाऱ्या भिसे खिंडीमध्ये रविवार ११ सप्टेंबर रोजी दुपारच्या दरम्यान नागोठणे येथून रोह्याकडे जात असलेल्या मोटारसायकल क्रमांक MH 06 BC 7231 यावर रोहा बाजूकडून नागोठणे बाजूकडे रस्त्याच्या उतारावरील वळणावरुन जाणाऱ्या MH 13 AX 2987 या कोळशाने भरलेल्या ट्रकने जोरदार धडक दिली. हा अपघात इतका भीषण होता की दुचाकीस्वार खाली फेकला जावून त्याचा जागीच मृत्यू झाला. सायंकाळी उशीरापर्यंत घटनास्थळी मदतकार्य सुरू होते.

राज्यात पुढील ५ दिवस धडामधूम पावसाचा अंदाज; मुंबई, कोकणासह मराठवाडा- विदर्भात मुसळधार
या धडकीत ट्रक हा मोटारसायकल चालकाला घेऊन संरक्षण कठडा तोडून खिंडीत खाली कोसळला. यामध्ये ट्रक चालकाचा मृत्यू झाला. अपघात होताच आमडोशी व आजू बाजूच्या गावातील लोकांनी मदत कार्य करण्यासाठी येऊन मोटारसायकल चालकाचा शोध घेतला असता मोटारसायकल चालक हा बराच वेळ सापडला नाही. अधिक शोध घेतला असता ट्रक मधील कोळसा बाजूला केल्यानंतर मोटारसायकल चालकाचा मृतदेह कोळशाखाली अडकलेल्या स्थितीत मिळाला.

सरवणकरांकडून गोळीबार? ते लव्ह जिहादचा दावा नवनीत राणांच्या अंगलट; वाचा, मटा ऑनलाइनच्या टॉप टेन न्यूज
घटनास्थळी रोहा डीवायएसपी किरणकुमार सूर्यवंशी यांनी भेट दिली असून पोलिस निरीक्षक राजन जगताप यांच्या मार्गदर्शनाखाली नागोठणे पोलिस मदत कार्य करीत आहेत. अपघातानंतर मदत कार्य चालू झाल्यानंतर खिंडीजवळ दोन्हीकडे वाहनाच्या मोठया लांब रांगा लागल्या होत्या.

या अपघाताची नोंद नागोठणे पोलीस स्टेशनमध्ये करण्यात आली असुन याप्रकरणी अधिक तपास पोलीस उपनिरीक्षक नारवयण चव्हाण करत आहेत.

Rain in Pune : पुण्याला पावसाने झोडपले, सखल भागांत साचले पाणी, वाहतुकीलाही अडथळे

LEAVE A REPLY

Please enter your comment!
Please enter your name here