चंद्रपूर : जिल्ह्यात पाऊस आणि विजांचं तांडव सुरू असल्याचं चित्र आहे. वीज कोसळल्याने तीन जणांनी आपला जीव गमावला आहे. यामध्ये सावली तालुक्यातील शेतमजूर महिलेचा आणि एका शेतकऱ्याचा समावेश आहे. शरद पंढरी मुनघाटे आणि मंगला सुधाकर येलेट्टीवार अशी मृतांची नावे आहेत.

मिळालेल्या माहितीनुसार, सावली तालुक्यातील गेवर्धा खुर्द येथील शेतकरी शंकर मुनघाटे हे शेतात निंदणाचे काम करीत असताना त्यांच्या अंगावर वीज कोसळली. यात गंभीर जखमी झालेल्या मुनघाटे यांच्या घटनास्थळीच मृत्यू झाला. यावेळी शेतात पाच ते सहा महिला मजूर काम करत होत्या. त्यातील एक महिला गंभीर जखमी झाली आहे.

मुंबईतील टॅक्सी संघटना भाडेवाढीसाठी आक्रमक, शिंदे सरकारला बेमुदत संपाचा इशारा, तारीख ठरली

स्थानिकांकडून घटनेची माहिती पाथरी पोलीस स्टेशनला देण्यात आली. त्यानंतर ठाणेदार मोहोड यांनी घटनास्थळ गाठून पंचनामा केला.

दुसरी घटना सावली तालुक्यातीलच आहे. चकपिरंजी येथील महिला मजूर मंगला सुधाकर येलेट्टीवार या शेतात निंदणाचे काम करीत असताना अंगावर वीज कोसळल्याने त्यांनी आपले प्राण गमावले. या दोन घटनांनी सावली तालुक्यावर शोककळा पसरली आहे.

LEAVE A REPLY

Please enter your comment!
Please enter your name here