पती, पत्नी और वो! मित्रासोबत फिरणाऱ्या बायकोचा नवऱ्याकडून पाठलाग; भररस्त्यात राडा
अभयम हेल्पलाईनच्या अधिकाऱ्यांनी दिलेल्या माहितीनुसार, पती-पत्नीचं नातं अनेक वर्षे उत्तम होतं. मात्र वर्षभरापासून महिला आजारी आहे. तिला बिछान्यातून उठणंही शक्य होत नाही. तिला चालताना मुलाची, सुनेची मदत लागते. तिच्या हालचालींवर मर्यादा आल्या आहेत. आरोपी पतीला पत्नीच्या प्रकृतीची कल्पना आहे. मात्र तरीही तो तिच्यावर शरीर संबंध ठेवण्यासाठी दबाव आणतो.
महिलेचा पती निवृत्त अभियंता आहे. तो वारंवार घरी भांडणं करतो. त्याची मागणी पूर्ण न झाल्यावर तो पत्नी आणि मुलावर ओरडतो. घरात सातत्यानं वाद होत असल्याचं शेजाऱ्यांनाही माहीत आहे. पतीची मागणी कमी होत नसल्याचं पाहून पत्नीनं अभयम हेल्पलाईनला कॉल केला आणि मदत मागितली.
लहान भावाला घरी बोलावलं, हत्या करून घराच्या अंगणात गाडलं; अडीच महिन्यांनंतर…
आम्हाला दोन दिवसांपूर्वी महिलेचा कॉल आला. आम्ही तात्काळ तिच्या घरी गेलो. तिच्या पतीला भेटलो. आम्ही त्यांना समजावण्याचा प्रयत्न केला. या प्रकारामुळे तुमची प्रतिमा मलीन होत असून पत्नीला खूप त्रास होत असल्याचं आम्ही त्यांना सांगितलं, अशी माहिती अभयमच्या अधिकाऱ्यांनी दिली.
अभयमच्या पथकानं आरोपी पतीचं समुपदेशन केलं. दुसऱ्या गोष्टींकडे मन वळवण्याचा सल्ला त्यांना दिला. योगा करण्याचा, वरिष्ठ नागरिकांच्या क्लबमध्ये सहभागी होण्याचा सल्लाही अधिकाऱ्यांनी त्यांना दिला. सेक्सॉलॉजिस्टकडे जाऊन त्यांच्यावर योग्य उपचार करा, अशी सूचना अभयमच्या पथकानं कुटुंबाला केली.
