Shivajirao Adhalrao Patil : शिरुर लोकसभा मतदारसंघात भाजपचा उमेदवार निवडून आणायचा, असा निर्धार माधुरी मिसाळ यांनी बोलून दाखवल्याने शिवसेनेच्या शिरुरच्या जागेवर भाजप दावा सांगणार का? शिंदे गट-भाजपची युती लोकसभेला होणार नाही का? जरी झाली तरी शिंदे गटाकडून ही जागा भाजपच मागून घेणार का? असे प्रश्न उपस्थित होत आहेत. त्यामुळे आढळराव पाटील आता काय निर्णय घेणार? शिंदे गटात जाऊन आढळरावांची कोंडी झालीये का? अशी चर्चा सध्या शिरुरमध्ये ऐकायला मिळत आहे.
हायलाइट्स:
- शिरुर लोकसभा जागेवर भाजपचा उमेदवार
- आढळराव पाटलांचं काय होणार?
भारतीय जनता पक्षाने आगामी लोकसभा निवडणुकीच्या अनुषंगाने शिरूर लोकसभा मतदारसंघात केंद्रीय आदिवासी विकास राज्यमंत्री श्रीमती रेणुका सिंग यांचा दौरा आयोजित केला आहे. त्याच्या पूर्वतयारीसाठी भोसरी येथे प्रमुख पदाधिकाऱ्यांची बैठक झाली. या बैठकीला पुण्याच्या पर्वतीच्या आमदार माधुरी मिसाळ, भोसरीचे आमदार महेश लांडगे, संयोजक धर्मेंद्र खांडरे यांच्यासह प्रमुख कार्यकर्ते पदाधिकारी उपस्थित होते. याच बैठकीत शिरुर लोकसभा मतदारसंघात भाजपचा उमेदवार निवडून आणायचा, असा निर्धार माधुरी मिसाळ यांनी बोलून दाखवल्याने शिवसेनेच्या शिरुरच्या जागेवर भाजप दावा सांगणार का? शिंदे गट-भाजपची युती लोकसभेला होणार नाही का? जरी झाली तरी शिंदे गटाकडून ही जागा भाजपच मागून घेणार का? असे प्रश्न उपस्थित होत आहेत. त्यामुळे आढळराव पाटील आता काय निर्णय घेणार? शिंदे गटात जाऊन आढळरावांची कोंडी झालीये का? अशी चर्चा सध्या शिरुरमध्ये ऐकायला मिळत आहे.
माधुरी मिसाळ यांची एक घोषणा आणि शिंदे गटात प्रवेश करूनही आढळरावांचं टेंशन दहापटीने वाढलं!
भाजपने लोकसभा निवडणूक २०२४ च्या दृष्टीने देशभरातल्या मतदारसंघांची चाचपणी करायला सुरुवात केली आहे. भाजपचा डोळा खास करुन राष्ट्रवादी आणि शिवसेना लढवत असलेल्या मतदारसंघावर आहेत. इकडे मुख्यमंत्र्यांचे सुपुत्र श्रीकांत शिंदे यांच्या कल्याण मतदारसंघाचा ‘ठाणेदार’ भाजपचा असणार का? असा प्रश्न केंद्रीय मंत्री अनुराग ठाकूर यांच्या ठाणे दौऱ्याने उपस्थित झालाय. तसाच प्रश्न केंद्रीय मंत्री रेणुका सिंग यांच्या शिरुर दौऱ्याने उपस्थित झालाय. शिवसेनेचा मतदारसंघ असताना भाजपची चाचपणी आणि त्यात पुन्हा भाजप आमदाराचा ‘शिरुर’ जिंकायचा निर्धार याने आढळरावांच्या टेन्शनमध्ये वाढ होण्याची शक्यता आहे.
मनसेसोबत थेट युती नाही, जागावाटपांचं गणितही समोर, फडणवीस-राज ठाकरेंच्या ‘अदृश्य युती’ची इनसाईड स्टोरी
मध्यंतरी आढळराव पाटलांच्या पुणे लोकसभा मतदारसंघातून लढण्याच्या चर्चा झाल्या. महाविकास आघाडीमुळे शिरुरची जागा त्यांना सोडावी लागणार असल्याच्याही वार्ता आल्या. परंतु आढळरावांनी ठामपणे या वृत्ताचं खंडन करत शिरुर लोकसभेतूनच लढणार असल्याचं स्पष्ट करत या जागेवर फक्त शिवसेनेच्या भगव्याचा अधिकार असल्याचं ठासून सांगितलं. आता भाजपच्या मिशनवेळी आढळराव पाटील पुन्हा ‘शिरुरवर शिवसेनेच्या भगव्याचा अधिकार’ हे गर्जून सांगतात का यावर पुढची अनेक राजकीय गणिते आणि समीकरणे अवलंबून असतील.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
