भारतीय जनता पक्षाचे आमदार प्रदीप चौधरी यांच्या ८० वर्षीय आईचे कानातले चोरीला गेला आहेत. संतोष देवी सकाळी चालायला गेल्या होत्या. त्यावेळी हा प्रकार घडला. पिस्तुल रोखत चोरट्यांनी महिलेचे कानातले ओढण्याचा प्रयत्न केला. मात्र त्यात त्यांना अपयश आलं. त्यामुळे चोरट्यांनी कटरनं संतोष देवींच्या दोन्हा कानांवर कटर मारलं आणि कानातले काढून घेतले.

 

bjp mla mother
बुलंदशहर: भारतीय जनता पक्षाचे आमदार प्रदीप चौधरी यांच्या ८० वर्षीय आईचे कानातले चोरीला गेला आहेत. संतोष देवी सकाळी चालायला गेल्या होत्या. त्यावेळी हा प्रकार घडला. पिस्तुल रोखत चोरट्यांनी महिलेचे कानातले ओढण्याचा प्रयत्न केला. मात्र त्यात त्यांना अपयश आलं. त्यामुळे चोरट्यांनी कटरनं संतोष देवींच्या दोन्हा कानांवर कटर मारलं आणि कानातले काढून घेतले. कटर हल्ल्यामुळे संतोष देवी जखमी झाल्या.

संतोष देवी प्रताप विहार परिसरात त्यांचा लहान मुलगा जीतपालसोबत राहतात. त्या सकाळी फिरायला गेल्या असताना हा प्रकार घडला. देहली पब्लिक स्कूलजवळ दोन चोरटे दुचाकीवरून फिरत होते. संतोष देवी तिथे पोहोचताच त्यांनी कानातले चोरण्यासाठी त्यांच्यावर पिस्तुल रोखलं. कानातले काढून द्या, असं चोरटे म्हणाले. त्यानंतर त्यांनी स्वत:चं कानातले हिसकावण्याचा प्रयत्न केला. त्यात अपयश येताच त्यांनी कटरचा वापर केल्याचं जीतपाल यांनी सांगितलं.
माता न तू वैरिणी! दीड महिन्यांच्या लेकीचा आईनं गळा दाबला; डॉक्टरांनी CCTV पाहिले अन् मग…
चोरट्यांनी कटरनं कानावर हल्ला करताच संतोष देवी यांनी आक्रोश केला. त्यांचा आवाज ऐकून आसपासचे लोक जमू लागले. ते पाहून चोरट्यांनी धूम ठोकली. आसपासच्या लोकांनी घटनेची माहिती पोलिसांना दिली. आमदार प्रदीप चौधरी सध्या बाहेर गेले आहेत. त्यांना याची माहिती देण्यात आलेली नाही. चौधरींचं निवासस्थान इंदिरापुरममध्ये आहे.
तुझे तसले फोटो माझ्याकडे आहेत! धमकावून महिलांना न्यूड कॉल करायला लावले; ट्रक चालकाचा प्रताप
आईचे कानातले चोरीला गेल्याची माहिती आमदार प्रदीप चौधरी यांना मिळाली. पोलिसांनी चोरट्यांना पकडण्याचा प्रयत्न केला नाहीच. या प्रकरणात साधा गुन्हादेखील नोंदवली नाही, अशा शब्दांत चौधरींनी पोलिसांच्या कामाकाजावर प्रश्नचिन्ह उपस्थित केलं. शुक्रवारीच पोलिसांना तक्रार देण्यात आली. मात्र कारवाई झालीच नाही. रविवारी विशेष पोलीस अधीक्षकांना कॉल केल्यावर चोरीचा गुन्हा दाखल करण्यात आला, असं चौधरींनी सांगितलं.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here