Laptop price in India | भारतीय बाजारपेठेत सध्या उपलब्ध असणाऱ्या लॅपटॉपसाठी वापरण्यात येणारी काच (Display fabrication glass) आणि सेमीकंडक्टर चीप मुख्यत्त्वेकरुन तैवान आणि कोरियात तयार केली जाते. मात्र, वेदांता-फॉक्सकॉन प्रकल्पामुळे या दोन्ही गोष्टी भारतामध्येच तयार होतील. त्यामुळे सध्या बाजारपेठेत एक लाख रुपयांना मिळणारा लॅपटॉप ४० हजार किंवा त्यापेक्षा कमी दरात उपलब्ध होऊ शकतो.

 

laptop price
वेदांता फॉक्सकॉन प्रकल्प

हायलाइट्स:

  • गुजरातच्या धोलेरा परिसरात वेदांता-फॉक्सकॉनचा प्रकल्प उभारण्यात येईल
  • सेमीकंडक्टर आणि डिस्पले फॅब्रिकेशनचा प्रकल्प
मुंबई: वेदांता-फॉक्सकॉन प्रकल्पामुळे सध्या महाराष्ट्र आणि गुजरातमध्ये राजकीय वाद पेटला आहे. त्यामुळे हा प्रकल्प आकाराला येण्यापूर्वीच त्याविषयी नकारात्मक वातावरण निर्माण झाले आहे. परंतु, हा प्रकल्प प्रत्यक्षात आल्यानंतर मेड इन इंडिया सेमीकंडक्टरमुळे (Semiconductors) भारतीयांना प्रचंड फायदा होऊ शकतो. विशेषत: भारतीय बाजारपेठेतील लॅपटॉपच्या किंमती (Laptop price) मोठ्याप्रमाणात घसरु शकतात. त्यामुळे भविष्यात या सेमीकंडक्टरमुळे एक लाखांच्या लॅपटॉपची किंमत ४० हजारापर्यंत खाली घसरु शकते, अशी माहिती वेदांताचे अध्यक्ष अनिल अग्रवाल (Anil Agrawal) यांनी दिली. ते बुधवारी CNBC TV18 ला दिलेल्या मुलाखतीत बोलत होते.
Vedanta Foxconn च्या प्रकल्पासाठी गुजरातपेक्षा तळेगावची जागा अधिक योग्य, वाचा प्रमुख कारणं
भारतीय बाजारपेठेत सध्या उपलब्ध असणाऱ्या लॅपटॉपसाठी वापरण्यात येणारी काच (Display fabrication glass) आणि सेमीकंडक्टर चीप मुख्यत्त्वेकरुन तैवान आणि कोरियात तयार केली जाते. मात्र, वेदांता-फॉक्सकॉन प्रकल्पामुळे या दोन्ही गोष्टी भारतामध्येच तयार होतील. त्यामुळे सध्या बाजारपेठेत एक लाख रुपयांना मिळणारा लॅपटॉप ४० हजार किंवा त्यापेक्षा कमी दरात उपलब्ध होऊ शकतो. त्यामुळे आगामी काळात भारतीयांना चांगल्या दर्जाचा लॅपटॉप स्वस्तात खरेदी करता येऊ शकतो. मात्र, हा प्रकल्प उभारण्यासाठी आणखी किती काळ जावा लागेल, यावर बऱ्याच गोष्टी अवलंबून आहेत. गुजरातच्या धोलेरा परिसरात वेदांता-फॉक्सकॉन सेमीकंडक्टर आणि डिस्पले फॅब्रिकेशनचा हा प्रकल्प उभारला जाणार आहे. या प्रकल्पासाठी गुजरात सरकारकडून Vedanta Foxconn अनेक आर्थिक सवलती आणि सोयीसुविधा देण्याचे आश्वासन देण्यात आले आहे.
महाराष्ट्र सगळ्याबाबतीत सरस होता, तरी Vedanta Foxconn प्रोजेक्ट गुजरातला का गेला हेच कळत नाही: उदय सामंत

महाराष्ट्रातील गुंतवणूक गुजरातकडे वळाली

सुरुवातीला हा प्रकल्प पुण्यानजीक तळेगाव येथे उभारण्याचे निश्चित झाले होते. मात्र, ऐनवेळी हा प्रकल्प गुजरातमध्ये गेल्याने महाराष्ट्राने मोठी आर्थिक गुंतवणूक गमावली आहे. हा प्रकल्प महाराष्ट्रात आला असता तर राज्यात तब्बल २ लाख कोटींची आर्थिक गुंतवणूक झाली असती. तसेच दोन लाखांच्या आसपास रोजगार उपलब्ध झाले असते. या प्रकल्पासाठी वेदांता कंपनीने चार राज्यांशी चर्चा केली होती. यामध्ये त्यांना लागणाऱ्या जमिनीच्या १०० निकषांचा विचार करता तळेगावमध्ये टप्पा क्रमांक चारमधील जागा अंतिम करण्यात आली होती. वेदांता समूहाकडून ६० टक्के आणि फॉक्सकॉन ४० टक्के अशा जॉईंट व्हेंचरमध्ये ही गुंतवणूक होणार होती. तळेगावच्या जागेत या प्रकल्पासाठी आवश्यक असणारी इकोसिस्टम, कनेक्टिव्हिटी, मनुष्यबळ आणि राज्याचे पोषक औद्योगिक धोरण अशा सर्व गोष्टी अनुकूल होत्या. त्यामुळे वेदांता कंपनीच्या वरिष्ठ अधिकाऱ्यांनी जागेची पाहणी करून प्रकल्पासाठी तळेगावची निवड केली होती. मात्र, त्यानंतर राजकीय दबावापोटी हा प्रकल्प गुजरातमध्ये नेण्यात आला, असा आरोप अजित पवार यांनी केला.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here