याशिवाय मंदीचा धोका लक्षात घेता अमेरिकन इन्व्हेस्टमेंट बँकिंग फर्म गोल्डमन सॉक्स आपले कर्मचारी कमी करण्याच्या तयारीत असल्याचे वृत्तसंस्था रॉयटर्सने वृत्त दिले होते. कंपनीने दोन वर्षांनंतर आपले कामकाज पुन्हा सुरू केले आहे, पण मंदीची भीती त्यांना सतावू लागली आहे. तसेच अमेरिकेतील किरकोळ चलनवाढीचा दरही जवळपास ४० वर्षांच्या वर आहे आणि त्यावर नियंत्रण ठेवण्यासाठी फेड रिझर्व्ह सातत्याने व्याजदर वाढवत आहे. परिस्थितीत अशी आहे की अमेरिकेतील व्याजदर वाढवण्याची प्रक्रिया गेल्या ४ दशकांतील सर्वात वेगवान आहे.
या मल्टीबॅगर स्टॉकने १४ सप्टेंबर २०२२ रोजी वर्षभरात नवीन मूल्यनोंद केली
आयटी शेअर्सच्या घसरणीचे कारण काय?
तीव्र घसरणीची मुख्य कारणे -चलनवाढीचा दर आणि अमेरिकेतील संभाव्य मंदीच्या बातम्या – आहेत. अमेरिकेतील मंदीच्या भीतीने भारतीय आयटी समभागांना मोठा फटका बसला आहे कारण आयटी कंपन्यांच्या महसुलात अमेरिकेचा वाटा २५ ते ६५% पेक्षा जास्त आहे आणि अमेरिकेच्या अर्थव्यवस्थेतील मंदीमुळे अखेरीस भारतीय आयटी कंपन्यांचा महसूल आणि विक्री वाढ कमी होईल.
टाटा समूहाच्या स्टॉकने गुंतवणूकदार सुखावले, बाजारात उलथापालथ तरीही दोन दिवसांत दिला भरघोस रिटर्न
दरम्यान, अनेक तज्ञ आणि ब्रोकरेज कंपन्यांनी २०२३ च्या पहिल्या सहामाहीत अमेरिकेत मंदीचा अंदाज वर्तवला आहे. पण याशिवाय, अमेरिकन मध्यवर्ती बँक फेडरल रिझर्व्ह महागाई नियंत्रित करण्यासाठी आपले व्याज दर ४ टक्क्यांच्या वर नेण्याचा प्रयत्न करत आहे.
शेअर बाजारातून बंपर कमाईची संधी, लवकरच ‘या’ कंपन्या डिविडंड देणार
दुसरीकडे, भारतीय शेअर बाजाराबद्दल बोलायचे तर आज सकाळी निफ्टी आयटी निर्देशांक १.१ टक्क्यांच्या घसरणीने व्यवहार करत होता. या काळात इन्फोसिस, टीसीएस, विप्रो, एचसीएल टेक्नॉलॉजी आणि टेक महिंद्रा यांचे शेअर्स ०.२० टक्क्यांवरून २ टक्क्यांपर्यंत घसरण पाहायला मिळाली. ब्रोकरेज फर्म एचडीएफसी सिक्युरिटीजचे म्हणणे आहे की पुढील आर्थिक वर्षात कमाई आणि मार्जिनवर परिणाम झाला तर विकास दरावरही परिणाम होईल.
