व्हिडीओ कॉलवर महिलेनं काढले कपडे; मुंबईतील आजोबांना लावला २ लाखांचा चुना; काय घडलं?
वरिष्ठ पोलीस निरीक्षक विश्वनाथ कोळेकर आणि पोलीस निरीक्षक संतोष आव्हाड यांनी सीसीटीव्ही तपासले. त्यांना कार पुणे टोल नाका ओलांडताना दिसली. टोल भरण्यासाठी चालकानं फास्टॅगचा वापर केला नव्हता. व्यावसायिकाला मेसेज जाईल म्हणून त्यानं रोकड देऊन टोल भरला. चालकानं पळवलेली कार सातारा पोलिसांनी शस्त्रास्त्र कायद्याच्या अंतर्गत ताब्यात घेतल्याचं तपास अधिकारी राकेश शिंदे यांना समजलं. त्यांनी या प्रकरणाचा अधिक तपशील मागवला. कार चालकासह आणखी एकाला शस्त्रास्त्रांसह अटक करण्यात आल्याची माहिती शिंदे यांना मिळाली.
कार चोरीचा तपास करण्यासाठी मुंबई पोलीस पाटणला पोहोचले. त्यांनी आरोपीला अटक केली. मात्र आरोपी चालकाला जामीन मिळाला आणि त्यानंतर तो गायब झाला. त्याच्यासोबत अटक करण्यात आलेला आरोपी सध्या येरवडा कारागृहात आहे. गायब झालेल्या आरोपीला पकडण्यासाठी मुंबई पोलिसांचा पथक पाटणमध्ये तळ ठोकून होतं.
VIDEO: मला धरून ठेवा! मोबाईल चोराची विनवणी; प्रवाशांनी धावत्या ट्रेनबाहेर लटकवलं अन् मग…
चालकाला अटक केल्यानंतर पोलिसांनी त्याला मुंबईत आणलं. त्याला न्यायालयासमोर हजर करण्यात आलं. न्यायालयानं त्याला १७ सप्टेंबरपर्यंत पोलीस कोठडी सुनावली. मित्राची हत्या करण्यासाठी हत्यार खरेदी करायचं होतं. गावठी पिस्तुलाच्या एकाला कार विकल्याचं आरोपीनं पोलिसांना सांगितलं. आरोपीच्या मित्रानं आपल्या बहिणीशी पळून जाऊन विवाह केल्याचा राग त्याच्या मनात होता. मित्रानं आपला विश्वासघात केला. त्याला कायमची अद्दल घडवण्यासाठी आरोपी चालकानं संपूर्ण कट रचला. गावठी पिस्तुल घेऊन त्यानं मित्राचा स्टॉल गाठला. मात्र मित्राची प्रकृती ठीक नसल्यानं तो स्टॉलवर येत नव्हता. त्यामुळे तो वाचला.
