नवी दिल्ली :गौतम अदानी यांच्या नेतृत्वाखालील अदानी समूह देशातील सर्वात मौल्यवान व्यवसाय समूह बनला आहे. या समूहाचे मार्केट कॅप २०.७४ लाख कोटी रुपये किंवा सुमारे २६० बिलियन डॉलरवर पोहोचले आहे. १५४ वर्षे जुन्या टाटा समूहाला मागे टाकत अदानी समूहाने हे स्थान मिळवले आहे. शुक्रवारी बाजार बंद झाल्यानंतर टाटा समूहाचे मार्केट कॅप २०.७ लाख कोटी रुपये झाले. याशिवाय मुकेश अंबानींच्या नेतृत्वाखालील रिलायन्स समूहाचे मार्केट कॅप १७.१ लाख कोटी रुपये आहे.

कर्जाच्या सापळ्यात अदानी समूह; जगातील दुसऱ्या क्रमांकाचे श्रीमंत, पाहा डोक्यावर किती कर्जाचा डोंगर
गेल्या काही वर्षांत अदानी समूहाचे मार्केट कॅप रॉकेट वेगाने वाढले आहे. याचा फायदा कंपनीचे अध्यक्ष गौतम अदानींना झाला असून अॅमेझॉनचे संस्थापक जेफ बेझोस यांना मागे टाकत अडाणी आता जगातील दुसऱ्या क्रमांकाचे अतिश्रीमंत व्यक्ती बनले आहेत. यासह आता त्यांच्या पुढे फक्त टेस्लाचा एलॉन मस्क आहेत. तीन वर्षांपेक्षा कमी कालावधीत अदानी समूहाच्या सात सूचीबद्ध कंपन्यांनी गुंतवणूकदारांच्या संपत्तीमध्ये १८.७ लाख कोटी रुपये किंवा सुमारे २३४ अब्ज डॉलरची भर पडली आहे. २०१९ च्या अखेरीस अदानी ग्रुपच्या कंपन्यांचे एकूण मार्केट कॅप २ लाख कोटी रुपये होते. तेव्हापासून समूहाने दर महिन्याला भागधारकांमध्ये सरासरी ५६,७०० कोटी रुपयांची भर घातली आहे. या उलट याच कालावधीत टाटा समूहाने ९ लाख कोटी रुपये आणि रिलायन्सने ७.४लाख कोटी रुपयांची भर घातली.

श्रीमंतांच्या यादीत गरुड भरारी; अदानींनी लेकाकडे दिली मोठी जबाबदारी; बिर्ला ग्रुपला भिडणार
१९८८ मध्ये सुरुवात
अदानी समूहाचा व्यवसाय व्यापार, नैसर्गिक वायू, वीज निर्मिती, सिमेंट, रिअल इस्टेट आणि वित्तीय सेवांमध्ये पसरलेला आहे. अदानी एंटरप्रायझेसची सुरुवात १९८८ मध्ये अदानींनी केली होती. तेव्हा त्याचे नाव अदानी एक्सपोर्ट्स होते. यावेळी त्यांनी शेतमाल खरेदी-विक्रीचा व्यवसाय सुरू केला. त्यानंतर लवकरच त्यांनी निर्यात-आयातीसाठी मुंद्रा बंदर स्थापन केले. आणि आयात गेल्या दोन दशकांत या समूहाने अनेक व्यवसायांमध्ये प्रवेश केला. ग्रीनफिल्ड प्रकल्प, अधिग्रहण आणि संयुक्त उपक्रमांद्वारे कंपनीने आपला व्यवसाय वाढवला. समूहाने थर्मल आणि नूतनीकरणक्षम ऊर्जा निर्मिती प्रकल्प उभारले आहेत, तर अनेक बंदरे अधिग्रहित केली आहेत, देशभरातील वीज पारेषण लाइनचे नेटवर्क केले आहे आणि देशातील दोन मोठ्या सिमेंट कंपन्यांचे अधिग्रहण केले आहे.

गौतम अदानींचं पुढचं टार्गेट Elon Musk! आता अतिश्रीमंत होण्यासाठी किती अब्ज दूर
दरम्यन, ऑस्ट्रेलियात कोळसा खाणकाम सुरू करण्यासाठी अदानी समूहाला मोठ्या विरोधाचा सामना करावा लागला. तसेच कंपनीने अक्षय ऊर्जा क्षेत्रात मोठ्या प्रमाणात गुंतवणूक करण्याचे आश्वासन दिले आहे. गेल्या काही वर्षात अदानी समूहाची झपाट्याने वाढ झाली आहे आणि जगातील अनेक आघाडीच्या गुंतवणूकदारांनी त्यात रस दाखवला आहे. यामध्ये वॉरबर्ग पिंकस आणि टोटल एनर्जी यांचा समावेश आहे. २००० मध्ये अदानी समूहाने सिंगापूरस्थित कंपनी विल्मार इंटरनॅशनलच्या सहकार्याने अदानी विल्मारची स्थापना केली. आणि आज ही देशातील आघाडीची FMCG कंपनी आहे. तसेच तीन वर्षांपूर्वी कंपनीने विमानतळ व्यवस्थापन व्यवसायातही प्रवेश केला.

LEAVE A REPLY

Please enter your comment!
Please enter your name here