police recruitment exam, नांदेडमध्ये देवेंद्र फडणवीसांसमोर तरुणांची आक्रमक घोषणाबाजी; पोलिसांकडून सौम्य लाठीमार – aggressive protest of youth in front of devendra fadnavis on the issue of police recruitment in nanded
नांदेड : वेदांता-फॉक्सकॉनचा सेमीकंडक्टर प्रकल्प महाराष्ट्राबाहेर गेल्याने राज्यभरात मोठा गदारोळ झाला. हा प्रकल्प राज्याच्या हातातून निसटल्याने लाखो तरुणांची नोकरीची संधी हिरावली गेल्याने सरकारविरोधात रोष व्यक्त करण्यात आला. अशातच आज भाजप नेते आणि राज्याचे उपमुख्यमंत्री देवेंद्र फडणवीस यांना पोलीस भरतीच्या मुद्द्यावरून आक्रमक झालेल्या तरुणांच्या घोषणाबाजीचा सामना करावा लागला आहे.
देवेंद्र फडणवीस यांच्या हस्ते आज नांदेडमध्ये पंतप्रधान नरेंद्र मोदी यांचा जीवनपट उलगडून दाखवणाऱ्या चित्रप्रदर्शनाचं उद्घाटन करण्यात आलं. या कार्यक्रमानंतर फडणवीस यांना तरुणांच्या आक्रमक घोषणाबाजीचा सामना करावा लागला. पोलीस भरतीच्या मागणीसाठी तरुणांकडून करण्यात आलेल्या घोषणाबाजीने चांगलाच गोंधळ निर्माण झाला होता. त्यानंतर जमावाला पांगवण्यासाठी पोलिसांनी सौम्य लाठीमार केल्याचंही पाहायला मिळालं. प्रताप सरनाईकांची ईडी चौकशी बंद होण्याची शक्यता, किरीट सोमय्या मौनावस्थेत!
‘गेल्या काही वर्षांपासून पोलीस भरतीची प्रक्रिया केली जात नाही. परिणामी तरुणांसमोर रोजगाराचा भीषण प्रश्न निर्माण झाला आहे. त्यामुळे सरकारने तात्काळ ही भरती करावी,’ अशी मागणी आंदोलनकर्त्या तरुणांनी केली आहे.
दरम्यान, तरुणांच्या आक्रमक आंदोलनानंतर राज्य सरकार पोलीस भरतीबाबत काय निर्णय घेते, हे पाहणं महत्त्वाचं ठरणार आहे.
प्रताप सरनाईकांची ईडी चौकशी बंद होण्याची शक्यता, किरीट सोमय्या मौनावस्थेत!
