मुंबई: पुढील महिन्यापासून ऑस्ट्रेलियात होऊ घातलेल्या टी-२० विश्वचषकापूर्वी भारतीय संघाची नवी जर्सी लाँच करण्यात आली आहे. भारतीय संघाच्या जर्सीचा निळा रंग कायम राहिला असला तरी यामध्ये काही बदल करण्यात आले आहेत. विश्वचषकासाठी लाँच करण्यात आलेल्या जर्सीवर तीन स्टार आहेत. भारतीय संघाने (Team India) आतापर्यंत तीन विश्वचषक जिंकले आहेत. त्यामुळे जर्सीवर तीन स्टार आहेत. विश्वचषकासाठी तयार करण्यात आलेल्या खास जर्सीचे मुंबईमध्ये अनावरण करण्यात आले. गेल्या विश्वचषकाच्या जर्सीला बिलियन चीअर्स जर्सी असे नाव देण्यात आले होते. यंदाच्या जर्सीचे नामकरण One Blue Jersey असे करण्यात आले आहे.
Team India: भारतीय क्रिकेट चाहत्यांना धक्का, आणखी एक फास्ट बॉलर जखमी…
भारतीय क्रिकेट नियामक मंडळाने (BCCI) नुकतीच ऑस्ट्रेलियात होणाऱ्या टी २० विश्वचषकासाठी १५ सदस्यीय टीम इंडियाची घोषणा केली होती. टी २० विश्वचषक १६ ऑक्टोबरपासून सुरू होणार असून अंतिम सामना १३ नोव्हेंबरला होणार आहे. यावेळी स्पर्धेत १६ संघ सहभागी होत आहेत. यापैकी ८ संघ थेट गट-१२ साठी पात्र ठरले आहेत. तर उर्वरित ४ संघ पात्रता फेरी जिंकून आपले स्थान निश्चित करतील. या पात्रता फेरीत ८ संघ आमनेसामने असतील. अशा परिस्थितीत, आतापर्यंत गट-१२ आणि पात्रता फेरीतील सर्व १६ संघांपैकी १२ संघांनी आपले संघ घोषित केले आहेत. तर ग्रुप-१२ मध्ये फक्त न्यूझीलंडनेच आपला संघ जाहीर केलेला नाही. त्याच वेळी, यूएई, आयर्लंड आणि स्कॉटलंड यांनी पात्रता फेरीतील त्यांचे संघ अद्याप घोषित केलेले नाहीत.

टी-२० वर्ल्डकपसाठी या देशांच्या संघांची घोषणा, जाणून घ्या कोणते संघ आहेत दावेदार
भारतीय संघ: रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, दीपक हुडा, ऋषभ पंत (यष्टीरक्षक), दिनेश कार्तिक (यष्टीरक्षक), हार्दिक पंड्या, आर.के. अश्विन, युझवेंद्र चहल, अक्षर पटेल, जसप्रीत बुमराह, भुवनेश्वर कुमार, हर्षल पटेल, अर्शदीप सिंग.

स्टँडबाय खेळाडू – मोहम्मद शमी, श्रेयस अय्यर, रवी बिश्नोई, दीपक चहर.

LEAVE A REPLY

Please enter your comment!
Please enter your name here