सतत आर्थिक विकास गतीच्या अपेक्षेने विदेशी पोर्टफोलिओ गुंतवणूकदार निव्वळ खरेदीदार राहतात. ऑगस्टमध्ये त्यांनी भारतीय बाजारपेठेत ५१,२०० कोटी रुपये आणि जुलैमध्ये सुमारे ५ हजार कोटी रुपयांची गुंतवणूक केली होती.
जागतिक मंदीचे संकट; जागतिक बँकेचा इशारा, मध्यवर्ती बँकांच्या आक्रमक दरवाढीचा परिणाम
फेड रिझर्व्हची मवाळ भूमिका
मॉर्निंग स्टार इंडियाचे हिमांशू श्रीवास्तव म्हणाले, “फेडरल रिझर्व्ह दर वाढीबाबत मवाळ भूमिका घेईल या अपेक्षेने विदेशी गुंतवणूकदार भारतीय शेअर बाजारात गुंतवणूक करत आहेत. फेड रिझर्व्ह मवाळ भूमिका घेऊ शकते कारण महागाई कमी होऊ लागली आहे.”
जुलैमध्ये FPIs बनले निव्वळ खरेदीदार
सलग नऊ महिने भारतीय शेअर बाजारातून पैसे काढल्यानंतर जुलैमध्ये विदेशी पोर्टफोलिओ गुंतवणूकदार निव्वळ खरेदीदार बनले. यापूर्वी, ऑक्टोबर २०२१ ते जून २०२२ दरम्यान विदेशी पोर्टफोलिओ गुंतवणूकदारांनी भारतीय शेअर बाजारातून सुमारे २.४६ लाख कोटी रुपये गुंतवले होते.
मंदीचे सावट आणखी गडद; गुंतवणूक योजना कशी तयार करावी, कोणती खबरदारी घ्यायची, जाणून घ्या
एफपीआयची भूमिका अस्थिर
कोटक सिक्युरिटीजचे प्रमुख (इक्विटी रिसर्च-रिटेल) श्रीकांत चौहान म्हणाले की आर्थिक घट्टपणा, वाढती महागाई आणि भू-राजकीय चिंता यामुळे FPIs आगामी काळात अस्थिर राहतील.
संभाव्य जागतिक मंदीचा परिणाम; ‘फिच रेटिंग्ज’ने घटवला भारताच्या विकासदराचा अंदाज
मागील आठवड्यात बाजाराची परिस्थिती
गेल्या आठवड्यात सेन्सेक्स ९५२.३५ अंकांनी किंवा १.५९ टक्क्यांनी तर निफ्टी ३०२.५० अंक किंवा १.६८ टक्क्यांनी घसरला होता. तसेच आठवड्याच्या शेवटच्या ट्रेडिंग सत्राबद्दल बोलायचे झाल्यास, शुक्रवारी सेन्सेक्स १,०९३.२२ अंकांनी किंवा १.८२ टक्क्यांनी घसरून ५८,८४०.७९ वर बंद झाला. त्याचवेळी निफ्टी १.९४ टक्क्यांनी किंवा ३४६.५५ अंकांनी घसरून १७,५३९.८५ वर बंद झाला.
अमेरिकेतील महागाई
अमेरिकेने ऑगस्टसाठी किरकोळ चलनवाढीचा दर ८.३% नोंदवला, जो त्याच्या ८.१% च्या अंदाजापेक्षा किंचित जास्त आहे. त्यामुळे फेड रिझर्व्ह पुन्हा व्याजदर वाढवणार असा अंदाज वर्तवला जात आहे. अशा परिस्थितीत या आठवड्यात यूएस फेड रिझर्व्हच्या व्याजदर वाढ भारतीय बाजाराची वाटचाल ठरवेल.
