टाटा समुहाकडे एकेकाळी एसीसीमध्येही हिस्सेदारी होती, पण १९९९ मध्ये त्यांनी अंबुजा सिमेंट्सला आपला हिस्सा विकला. विशेष म्हणजे टाटा समूहाला मागे टाकून अदानी समूह अलीकडेच देशातील सर्वात मौल्यवान व्यवसाय समूह बनला आहे. ACC चा महसूल १६,१५१ कोटी रुपये आहे. आणि आता करण अदानी अशा वेळी कंपनीची कमान सांभाळणार आहेत, जेव्हा सिमेंट क्षेत्रात प्रचंड चढ-उताराची अपेक्षा आहे. सध्या, आदित्य बिर्ला समूहाची अल्ट्राटेक सिमेंट देशातील सर्वात मोठी सिमेंट उत्पादक कंपनी आहे.
श्रीमंतांच्या यादीत गरुड भरारी; अदानींनी लेकाकडे दिली मोठी जबाबदारी; बिर्ला ग्रुपला भिडणार
मात्र अदानी समूहाने सिमेंट क्षेत्रात प्रवेश केल्याने आता चुरशीची स्पर्धा होण्याची पूर्ण शक्यता आहे. अदानी समूहाने २०३० पर्यंत देशातील सर्वात मोठी सिमेंट कंपनी बनण्याचे लक्ष्य ठेवले आहे. अशा स्थितीत अदानी समूह आगामी काळात आणखी अनेक छोट्या कंपन्या ताब्यात घेऊ शकतो.
टाटांनी भागीदारी विकली
३५ वर्षीय करण अदानी यांनी अंबुजा सिमेंट्स आणि एसीसीच्या अधिग्रहणात महत्त्वाची भूमिका बजावली असल्याचे मानले जात आहे. सध्या ते अदानी पोर्ट्सचे सीईओ आहेत आणि आता त्यांच्याकडे ८६ वर्षे जुनी कंपनी ACC ची देखभाल करण्याची जबाबदारी सोपण्यात आली आहे. नानी पालकीवाला आणि पल्लोनजी मिस्त्री यांसारख्या कॉर्पोरेट दिग्गजांनी एसीसीची जबाबदारी स्वीकारली आहे. १९३६ मध्ये दहा सिमेंट कंपन्यांनी त्याची स्थापना केली होती. एकेकाळी टाटांची त्यामध्ये भागीदारीत होती, पण त्यांनी १९९९ मध्ये अंबुजा सिमेंटला आपली भागीदारी विकली.
कर्जाच्या सापळ्यात अदानी समूह; जगातील दुसऱ्या क्रमांकाचे श्रीमंत, पाहा डोक्यावर किती कर्जाचा डोंगर
ACC मध्ये अंबुजा सिमेंटची ५४.५ टक्के भागीदारी आहे. अदानी कुटुंबाला कन्व्हर्टेबल वॉरंटद्वारे अंबुजा सिमेंटमध्ये २० हजार कोटी रुपयांची अतिरिक्त गुंतवणूक करायची आहे. अदानी समूहाची सध्या त्यामध्ये ६३.११ टक्के हिस्सेदारी आहे.
गौतम अदानींचं पुढचं टार्गेट Elon Musk! आता अतिश्रीमंत होण्यासाठी किती अब्ज दूर
कोण आहेत करण अदानी
पर्ड्यू विद्यापीठातून अर्थशास्त्रात पदवी मिळवल्यानंतर करण अदानी यांनी मुंद्रा पोर्टमधून कॉर्पोरेट करिअरची सुरुवात केली. आज ते अदानी समूहाच्या धोरणात्मक विकासासाठी जबाबदार असून समूहाच्या अनेक व्यवसायांच्या दैनंदिन कामकाजावर देखरेख करतात. अदानीचे वरिष्ठ आणि कौटुंबिक विश्वासू मलय महादेविया यांच्या मार्गदर्शनात त्यांनी काम केले आहे. करणचे लग्न सिरिल अमरचंद मंगलसचे भागीदार आणि सिरिल श्रॉफ यांची मुलीगी परिधी सोबत झाले आहे.
