फोटो व्हायरल करणारा व्यक्ती दुसरा कुणीतरी असून शहानिशा न करता माझ्यावर जो गुन्हा दाखल करण्यात आला आहे. मी गेलो वेळी पोलिसांना सहकार्य केले होते. मी वेळोवेळी सांगितले आहे की, मुख्यमंत्री माझ्यासाठी देव आहेत.त्यांची प्रतिमा कधी मलिन होईल असे कार्य मी कधी केले नाही आणि करणारही नाही. कारण एकनाथ शिंदे माझ्यासाठी गुरुसमान आहेत. तरी काही लोकांनी माझी बदनामी करण्याचा प्रयत्न केला आहे. मी मुख्यमंत्र्यांची कधी बदनामी केलेली नाही, समाजसेवा करण्याचा प्रयत्न केलेला आहे. माझी अशी कोणतीही भावना नाही की मुख्यमंत्र्यांच्या प्रतिमेला धक्का लागेल, तरी मला सर्वांनी सहकार्य करावे, महाराष्ट्रातील जनता माझ्या पाठीशी उभी राहील अशी अपेक्षा माने यांनी व्यक्त केली आहे.
‘क्षमा करायला हवी’ म्हणणाऱ्या एकनाथ शिंदेंना शिवसेनेकडून प्रत्युत्तर, म्हणतात, ‘कटकारस्थान रचून…’
नेमकं काय घडलं?
मुख्यमंत्री एकनाथ शिंदे यांच्या सारखीच वेशभूषा आणि कपडे परिधान करून हुबेहुब सीएम एकनाथ शिंदे बनून फिरणाऱ्या तोतया सीएम विजय नंदकुमार मानेवर युनिट दोनच्या पथकाने कारवाई केली होती. खंडणी विरोधी पथक दोनचे पोलीस उपनिरीक्षक मोहनदास आप्पासाहेब जाधव यांनी बंडगार्डन पोलीस ठाण्यात सरकारतर्फे फिर्याद दिली आहे. पोलिसांनी विजय नंदकुमार माने यांच्यावर भांदवी कलम ४१९-५११, ४६९, ५००, ५०१, माहिती तंत्रज्ञान कायद्यान्वये गुन्हा दाखल करण्यात आला होता.
तक्रारदार हे बंडगार्डन पोलीस ठाण्याच्या हद्दीत सोमवारी पेट्रोलिंग करत असताना माहिती मिळाली की, राज्याचे मुख्यमंत्री एकनाथ शिंदे यांच्या सारखी वेशभुषा आणि पोषाख परिधान करणारा विजय माने याने सराईत गुन्हेगार शरद मोहोळ याच्यासोबत फोटो काढून तो सोशल मीडियावर व्हायरल केला आहे. खंडणी विरोधी पथक दोनच्या पथकाने व्हॉट्सअॅप आणि फेसबुक या सोशल मीडियाद्वारे माहिती घेतली असताना पोलिसांना एक फोटो मिळाला. फोटो पाहिल्यानंतर सुरुवातीला मुख्यमंत्री एकनाथ शिंदे उभे असून सराईत गुन्हेगार शरद मोहोळ हा खुर्चीत बसल्याचे दिसत आहे.
आम्ही विजय मानेंना कायदेशीर मदत करू- असीम सरोदे
पोलिसांनी गुन्हा दाखल केल्यानंतर असीम सरोदे यांनी विजय माने यांना कायदेशीर मदत करण्याची भूमिका घेतली आहे.विजय नंदकुमार माने हा एकनाथ शिंदे यांच्या सारखा दिसतो यामध्ये त्याचा काहीही दोष नाही. तो एकनाथ शिंदेच्या सारखा दिसतो याचा त्याने गैरफायदा घेतला असेल, मीच एकनाथ शिंदे आहे असे म्हणून कुणाची फसवणूक केली असेल तर तो गुन्हा ठरू शकतो व तशी तक्रार ज्याची फसवणूक झाली असेल त्या व्यक्तीने देणे आवश्यक आहे.विजय नंदकुमार माने याच्यावर पुणे शहर गुन्हे शाखेने कलम 419 (फसवणूक), कलम 469 (खोटी, बनावट कागदपत्रे तयार करणे किंवा बनावट सह्या करून कागदपत्रे तयार करणे), कलम 500 (बदनामी, अब्रू नुकसानी) असे गुन्हे लावणे प्रथमदर्शनी चुकीचे वाटते. आम्ही याची माहिती घेणार आहोत. जर त्याने एकनाथ शिंदे यांची बदनामी केली असेल तर एकनाथ शिंदे यांनी विजयकुमार माने याच्याविरुद्ध तक्रार देणे आवश्यक आहे.
मला विजय माने यांच्याबद्दल काहीही माहिती नाही पण माझे म्हणणे केवळ या FIR च्या संदर्भात आहे. इतके नक्की की पोलिसांची विजय माने याच्याविरुद्ध कारवाई प्रथमदर्शनी अत्यंत उत्साहाच्या भरात केलेली, चुकीची व बेकायदेशीर आहे असे दिसते. विजय माने बाहेरगावी गेले आहेत. आम्ही त्यांना आंबेगाव येथे जाऊन भेटू किंवा ते आमच्या ऑफिसला येतील व आमची चर्चा होईल. आम्ही विजय माने विरुद्ध दाखल झालेला FIR रद्द करण्यासाठी कायदेशीर कार्यवाही करण्यासाठी त्यांना मदत करावी असे ठरवले आहे, असे असीम सरोदे यांनी म्हटले.
