rupee co operative bank, राज्यातील बँकेला दोन दिवसांनी लागणार टाळं; RBIच्या ग्राहकांना सूचना, पैसे काढून घ्या – rupee co operative bank shut banking service customers will not be able to withdraw money after on 22 september

आरबीआयनं पुणेस्थित रुपी सहकारी बँकेचा परवाना रद्द करण्याचा निर्णय घेतला आहे. बँक २२ सप्टेंबरपासून आपले व्यवहार बंद करेल. त्यामुळे पैसे काढण्यासाठी बँकेच्या ग्राहकांकडे केवळ २ दिवसांचा कालावधी शिल्लक आहे. यानंतर ग्राहकांना त्यांचे पैसे खात्यातून काढता येणार नाहीत. रुपी बँकेची आर्थिक स्थिती अतिशय वाईट असल्यानं आरबीआयनं बँकेनं त्यांचा परवाना रद्द केला.
राकेश झुनझुनवाला यांच्या शेअर्सची रेकॉर्डब्रेक कमाई, एक लाख गुंतवले अन् ६० टक्के नफा मिळाला
रुपी को-ऑपरेटिव्ह बँकेनं आरबीआयच्या नियमांकडे दुर्लक्ष केलं. त्यामुळे बँकेवर कारवाई करण्यात आली. बँकेकडे पुरेसं आर्थिक पाठबळ नसल्यानं आणि उत्पन्नाची शक्यता नसल्यानं आरबीआयकडून कारवाई करण्यात आली. याची माहिती आरबीआयनं ऑगस्टमध्ये ग्राहकांना दिली. १० ऑगस्टला यासंदर्भात एक प्रेस रिलीज प्रसिद्ध करण्यात आलं. रुपी सहकारी बँकेचा परवाना ६ आठवड्यांनंतर रद्द करण्यात येईल. त्यानंतर बँकेच्या सगळ्या शाखा बंद होतील आणि ग्राहकांना त्यांच्या खात्यातून पैसे काढता येणार नाहीत, असा आदेश आरबीआयनं काढला होता. आरबीआयनं आदेशात नमूद केलेला ६ आठवड्यांचा कालावधी २२ सप्टेंबरला संपत आहे. त्यामुळे २२ सप्टेंबरनंतर बँकेचं कामकाज बंद होईल.
टाटा समूहाचा सुपरहिट शेअर; फक्त ६ दिवसात गुंतवणूकदारांचे पैसे दुप्पट
ग्राहकांचे पैसे बुडणार?
रुपी सहकारी बँकेच्या ग्राहकांना पाच लाखांपर्यंतच्या रकमेसाठी विम्याचा लाभ मिळेल. डिपॉझिट अँड क्रेडिट गॅरेंटी कॉर्पोरेशनकडून (डीआयसीजीसी) हा विमा मिळत आहे. डीआयसीजीसी आरबीआयची सब्सिडरी आहे. ग्राहकाची ५ लाखांपर्यंत रक्कम रुपी बँकेत असल्यास त्याला पूर्ण क्लेम मिळेल. मात्र ५ लाखांपेक्षा अधिक रक्कम खात्यात असल्यास ग्राहकाला पूर्ण रक्कम मिळणार नाही. त्याला केवळ ५ लाख इतकीच भरपाई मिळेल.